بين السيف والمسباح

"الحياة"تنشر نص القصيدة النبطية التي ألقاها الشاعر خلف الكريع أمام خادم الحرمين الشريفين باسم أهالي منطقة الجوف.
يا معانيّي تحلّي بالبلاغه والنجاب
وافتحي بوابة الشعر بمفاتيح الخطابه
يا الله.. واعوذ بك من ميلة الفكر وخرابه
ويا الله جمّلني بنورك وزد عودي صلابه
ربنا وارحم أمير الطيب واعفه عن حسابه
يابو متعب عظّم الله أجركم واجزل ثوابه
بس شعبك يابو متعب حزنك يسبب عذابه
يالمليك اللي بعينه كل خلق الله تشابه
مجلسه يصدح بذكر الله تعالى وبكتابه
لا عطا / - كن العطا-: غيثٍ تدفّق من سحابه
ولا وعد / ? كن الوعود ? تدوّر رضاه وتهابه!!
ولا خطب / تقل ان فمّه: جال، وحروفه: ذيابه!!
ولا صفح / - كن العفو ? يغسل ذنوب اللي حضا به
فيه عطفٍ ? لو توّزع بين خلق الله نِصابه -
ومن كثر ما هو رحيم.. وعادته سمحٍ جنابه
شامخٍ مثل السراوات اعتداله وانتصابه
فارسٍ له بالوغى والخيل عشقٍ من شبابه
لا عرض بالسيف كاد السيف أن يفقد صوابه!!
اثر بين السيف و المسباح وجهٍ للتشابه؟!
ويا ولي العهد يا درع البلد يوم النشابه
مبطي الله عاهدٍ لك ديرة الجود ورِحابه
كل دوله عاصمتها مركز العقد ومآبه
قالوا انك توجس من الجهد وطره واحتسابه
قلت هذا من كثر ما حمّل الطيب ومشى به
غرّدي يالجوف لين الليل يظهر عن ثيابه
حقق الله حلمك اللي كل حيٍ بك هقى به
العرب تفرح بفج السيل لا سالت شعابه
يابو متعب فرحة اهل الجوف بك ما تتنشابه
الولا في كل شعب المملكه ما ينحكى به
وانت ابونا وكلّنا عيالك، ولا فيها غرابه
حنا يوم ان اخو نوره شع بالدنيا شهابه
لا تحزّبنا بحزب ولا تحرّينا كتابه
سيّدي من شاف مارد وزعبل يلقى عجابه
سيّدي حتى التراب لخطوتك بدّل ترابه
ما بقى بالجوف بيتٍ صورتك ما هي ف بابه
يابو متعب كيف ما نغليك؟ وانت اللي زهابه:
من نقل هم الأرامل؟ واليتامى؟ والغلابه؟
من زأر: لاحدٍ يسمّيني بمولاه بخطابه؟
من رفع صوته وقال: الحر ما يرضى الإعابه
يا موحد صف الامه كل ما اشتد اضطرابه
صلح مكه، مؤتمر دارفور من غيرك سعى به
من هو غيرك يا أجل اهل المروءه والمهابه
فيك عزّة نفس ممزوجه مع اخلاص وذرابه
تجتمع في ذاتك اجلَّ الصفات المُستطابه
جيت ابمدح شعري بمدحك وابخّر بك ثيابه
بس واسمح لي قبل شاعرك يقفي به غيابه
أمنية من صغري احملها، وترى ماهي طلابه!!
حلم عمري يوم اقبّل راسك بحب وذرابه
والبسي ثوب البيان وحُلّة الفكر الرزين
واقطفي لي كل بيتٍ صارخ ومعنىً رصين
ومن عيون الحاسدين .. ومن قلوب الحاقدين
في مقام اللي خدم بيتك وأمَّ المسلمين
ربنا واغسل بعفوك روح أمير الحرمين
وعظّم الله أجرنا يا والدي بالراحلين
تكفى يا صقر العروبة مانبي نشوفك حزين
ما يفرّق بينهم، والعدل: منهجه المتين
كن صدره ملتقى للعلماء والواعظين
.. لا وربّي.. تقل: شمسٍ تسكب النور المُبين
ما تراه يقول وعده.. غير يتحقّق بحين!!
كل ما تعوي حروفه.. يشهق ابليس اللعين
مثل ما تغسل صدوق التوبه: اعتى الفاجرين!!
ما اضرمت للشر: حرب / ولا بكت للظلم: عين
طاااح سوق الرحمه اللي نخبره بالوالدين!!
بس هو يفرق بطول ركوعه وبالسجدتين
ضاريٍ للمرجله من صغره.. وشامخ جبين
لين قام يموج بموج البحر بين الراحتين
كلّهن بيده يموجن للشمال ولليمين
أشهد ان العهد وُلِّي للأمين ابن الأمين
كن كل اهل الكرم من بعض جودك تستدين
وانت عاصمة الكرم والطيب واصل الطيبين
وشفتك تسلّم على زوّارك المتوجسين
ومن كثر ما شالت كتوفه هموم المعسرين
وبدلّي ثوب الظلام بثوب من ضي وحنين
وزارك اعز الملوك الصالحين العادلين
والبحر جا لك بكبره.. وش بلى ما تفرحين؟!
وجعل كل اهل المناطق سالمين وغانمين
لكن انا في موازين الغلا متنافسين
لو تنافسنا وكلٍ ودّه بعينك يزين
قبل ياصلنا كتبنا له وجينا طايعين
اشترينا بالولا بيعة إمام المتقين
الحجر والطين فيهم صار در وياسمين
ما تشوفه صار تبر من الذهب للناظرين
ومن غلاك الناس قامت تحجز اسمك للجنين
خدمة البيت الحرام.. وسد جوع الجايعين
من مشى وسط الحواري: بين مي، وبين طين؟
ما على هالكون مولى.. غير رب العالمين
يُمنع من الآن منعاً باتاً حب اليدين؟
كم حقنت من الدماء الطاهرة بالأمتين
من حمى لبنان من كيد الفتن والمغرضين؟
يا حبيب الناس يا صقر العرب والمسلمين
وفيك عزم، وفيك جزم، وفيك دين، وفيك لين
كن ربّي غاسلٍ روحك بنهرٍ من معين!
وصار مدحك - برقبة شعري ليوم الدين-: دين!
ودي اطلب منك طلبه، وانت ابو المتفضّلين
لا تخلّيها بقلبي، وانت سيد العارفين
خير من حب الكتوف.. وخير من حب اليدين