كل ليله

ْ
والخيال اللي سواليفه مزونْ
يعل سيله
كل ليلهْ والصباح أرباحْ
والفلاح لوحهْ بين حي على الفلاحْ
وهيلهْ هيلهْ
أقصر أحلامي طويلة باعْ
بين صاع كيال الذرهْ
وشراع صياد الجمانْ
المعذره عما يشاعْ
المعذرهْ خبز التخاطر حدسْ
وآسف للجياعْ
تجريبي الأول قناعْ
تجريبي الثاني ضياعْ
ب هيلهْ هيلهْ
كل ليلهْ والقصار قصارْ
وتمون الطويلهْ
تسدل السلوى على البلوى ستارْ
تخفض الحكمهْ الى أسفل شاعر
يمجد شعارْ
للصعود المنحدر
من طير ريشه مستعارْ وينتمي له
كل ليله تورق أشجار النهارْ
ويعشق الوادي نخيلهْ
وكل صبح وهالبراري ملح
ما صارت خميلهْ
كل ليله والمغني ضد صوتهْ
والسؤال الحي ف عروقه جوابْ
لشكل موتهْ
ف الدروب اللي تشكك عصاهْ
وفي بناه وفي سكوتهْ
ف الهبوب اللي تسول للعطشْ
يعلم مماتهْ
يو عيداليم تذكير بحياتهْ
اطلس القيعان ترفاه الشقوقْ
الساطعه مثل العقوقْ
القاطعه مثل الشماتهْ
والوفاق المعدني
يبرق من اقصى قاصيه في موطني
لا دنى جهاتهْ
-مواطني عزه بذاته-
موطني ثامن سما
والشمس عنده جاريه والليل ليلهْ
كل نجم فيه لوام المغني
وين تهربْ؟
كل ما بعد السياج احراجْ
والملح المهربْ
ما يزكي عاشق دمه وريث لدم يعربْ
وين تهربْ؟
والسواحل في دمك نجد
وبيارق مجدْ
وانساب وتقربْ
وين تهربْ؟
وانت للسرحان بذراعك وريدْ
لنخل يثربْ
وبشرايينك بيادر قمحْ
وجنوب وقبيلهْ