العقيد سعيد الحارثي لرتبة عميد

يهنئ الأستاذ رائد بن دخيل الله الحارثي العميد سعيد بن عوض الحارثي بمناسبة ترقيته لرتبة عميد داعياً له بالتوفيق في حياته العملية
يابو فهد تستاهل التكريم يا وجه السعد
ماهي غريبه منك ب يمينك كسبت المنزله
ما للمراجل غير رجال ليا كبرت ورد
والمجد ماهو كل من يبغى وصوله ياصله
وانته ورثة المجد والقالات من خال وجد
عادة ولد شعاب ما يرضى بغير الاوله
اقدم و ابو تركي على جنبك على الدنيا سند
غازي حزام اللي تعزوابه زبون المرجله
غازي ليا عديت ف الأصحاب واخطيت العدد
فعله فالاقصى والموالي فالرجال يجمله
هذاك ابو تركي حماه الله من عين الحسد
اليا نصيته في لزومك ودع الله وازهله
من روس قوم لو تقول الموت قالو يعتمد
ربعي بن الحارث لهم تاريخ ماحدن يجهله
عدونا لامن ذكرنا في منامه ما رقد
وخوينا حنا نعزه في زمان البهذله
يقولها راجح وراجح ما توانا فالوعد
ويثبت اقوالي ليال فايتات ومقبله
مبروك يابو تركي ومبروك لك يابو فهد
عادة ولد شعاب ما يرضى بغير الاوله
الشاعر راجح الحارثي