خيبة أمل وسخرية على الإنترنت بعد حكم مبارك

حفلت صفحات فيسبوك وتويتر بعدد كبير من التعليقات في أعقاب الحكم على الرئيس المصري السابق حسني مبارك ومسؤولين سابقين بالسجن المؤبد، وتبرئة آخرين بينهم علاء وجمال نجلي مبارك.
وركزت التعليقات على الدعوة إلى ضرورة العودة لميدان التحرير، والرفض التام لقرار المحكمة، إضافة إلى ضرورة التركيز على إسقاط أحمد شفيق عبر التصويت لمرسي في الانتخابات.
فعلى صفحة حركة شباب 6 أبريل، كتب القائمون على الصفحة: "الميدان مافيهوش 6 إبريل.. ولا ألتراس ولا إخوان.. ولا سلفيين ولا أعضاء حملات رئاسة.. الميدان مافيهوش منصات.. ولا فيه أعلام أحزاب ولا حركات.. الميدان مافيهوش غير مصريين.. بعلم مصر.. بيحلموا بمصر... مصر بجد."
وفي معرض التعليقات، كتب أحد المستخدمين: "كلها كام ساعة والإخوان يسرقوا الميدان وينصبوا السيرك بتاعهم،" أما أبو حمزة فكتب يقول: "الشعب الغبي الأضحوكة ترك ثورته في البداية للاخوان ليغتالوها والآن يخرج ليستردها مع الاخوان."
وقال المستخدم صبري عبد العزيز: "أنا رايح الميدان كفاية بقى ظلم وطغيان انا رايح الميدان عشان عايز اعيش انسان انا رايح الميدان لان مش هافضل كدة عريان انا رايح الميدان لأني مصري لا سلفي ولا إخوان."
وكتب أحمد جيناوي: "على فكرة مبارك خد براءة مش إعدام لأن رفعت ارجع سبب حكمه على مبارك لقناعته الشخصية وبرأ مساعديه لعدم كفاية الأدلة وهي هي القضية.. مبارك باول نقض هياخد براءة."
وقال المستخدم إبراهيم فوزي: "يا رب هذه المرة تكون علطول مش 18 يوم فقط، تعبنا من الفرقة، خلينا ايد واحدة دايما."
وعلى صفحة "أساحبي"، كتب القائمون على الصفحة: "عاجل.. أنباء عن تنحي بشار الأسد وموافقته على الامتثال للمحاكمة.. بشرط أن تكون أمام القضاء المصري العادل."
وفي مشاركة أخرى، كتب القائمون على الصفحة: "يعني ضحوا بواحد ميت أصلا وواحد عليه 20 سنة قبل كده عشان يطلعوا علاء وجمال براءة ؟ بصراحة لو نيل مصر كله صلصة مش هيكفي الكوسا اللي فيها قضائك الشامخ يا مصر."
وفي معرض الردود، كتب مستخدم يقول: "بعد المذابح اللي بسوريا يجب على المصريين عمل تمثال لمبارك في التحرير." وكتبت هاجر علام: "بجد انا مش عارفة اقول ايه بس كل اللي هقوله اني هنزل وادافع عن حقي حتى لو كان دمي." في حين كتب أحمد علي يقول: "طيب اهم حاجة بعد المسرحية ما خلصت _الشهداء هيجولنا ولا احنا اللي هنرحلهم؟"
أما على تويتر، فقد كانت التعليقات كما يلي:
Baraa_Ashraf@: نفس القضاء اللي حكم على مبارك النهاردة، هو اللي بيشرف على الانتخابات. اعقلوها، لا خير في انتخابات بقضاء فاسد. أملنا في الميدان ينتظرنا.
ahmadesseily@: أي حد يحكم مصر مش حيقدر يعمل حاجة في دولة الفساد والعفن اللي سابها مبارك وراه؛ هي فعلا عميقة، مايقدرش يقاومها غير الشعب (لو عاز).
Hazem_Amin@: يا جماعة. أرجوكم الموضوع الآن أكبر من انتخابات هزلية ! ننسى الخلافات السياسية مع الإخوان ونوحد الصف ضد نظام مبارك العسكري.
Talhabeeb@: ما بال مبارك إما أن يسيل دماء المصريين أو أن يسيل دموعهم.
msheshtawy@: مبارك جاتله أزمة قلبية حادة أول ما وصل السجن ... لول .. التمثيلية تحفة ولا التركي يا أخي.
drbassemyoussef@: مش كانوا بيقولوا مبارك كويس واللي حواليه فاسدين... اهو طلع كخة و اللي حواليه زي الفل.
gamaeid@: بيقولك مبارك رافض يدخل مستشفى سجن طره !! حد يهمس له في اذنه انها حركة كده وكده عشان نضحك على الشعب ، وهو حيبتسم ويدخل.