تخاريف "أبو العريف" ..!!

@ الدنيا حلوه, والسماء صافية, والجو رائع, والقلوب خضراء.. والا ايش رأيك يا بو العريف؟
* هذي اغنية ولا قصيدة, ولا غزل, ولا كلمات ما تريد من وين جايبها.. حدك تقول الدنيا حلوة.
@ ليه يابو العريف تو اللعب بادي لاتقول انتهينا, تراني قاعد لك هالاسبوع قعدة؟
* قول ايش عندك.
@ عندي حشي وايد, عندي سوالف شوق؟
* عدال يالرومانسي, وانت اللي الكلمة الطيبة مادخلت قلبك.
@ يعني يابو العريف انت كل اسبوع قاعد تخرف علينا, خلى هالاسبوع احنا اللي نخرف.. والا ايه ياسيد عريف..!!
* هذا انتم ياشباب دايم تحبون التقليد, وتمشون وراء الموضة, من عذره اشتهر جاكسون ذيك السنة وانتم تسمعون له, ولاتعرفون ايش يخربط.. الركاده زينها, لاتمشون وراء كل من خربط فكروا شويه, يوم جاكسون, ويوم بوب مارلي واحيانا شعبان عبدالرحيم والقائمة تطول.
@ يعني انت هالاسبوع طالع فيها, ومسوي نفسك ناصح.. تراك يابو العريف لا رحت ولاجيت, معروفة حركاتك واهدافك.
* الله واكبر يامستر ولاحاجة حركات واهداف, وفاولات وتسلالات.. على ايس ما صار صعود هذا اللي فضحتونا به, اهازيج وافراح وليال ملاح.. خفوا شويه.
@ يابو العريف خل تاج رأسك الخليج في حاله, ترى هالايام ماحد له..!!
* ترى الصعود, موشي زايد, ولا تصيرون مثل اللي في بالي سنة صاعد وسنة نازل, اتركوا دوشة الاعلام عنكم, وتفرغوا للعمل, وبعدين هالمشرف عاطي اللاعبين اجازة شهرين, قولو له الاعداد للممتاز غير الاعداد للدرجة الاولى, لاتروح فيها وتنهزموا بالسبعة والثمانية.