مكاشفة أبو العريف مع المبرقعة!!

@@ أبو العريف اشلونك اخبارك واشلون اللي يعزون عليك؟
* ميه ميه، حتى الحبيب ترك المعركة وحطها في الفقير ماقدر يواجه من الضغط والسكري اللي جاه.
@@ يعني خايف من (الفشله)؟
* مسكين قام يقط خيط وخيط حتى ربعه تهربوا منه والدليل...!!
** معنى كلامك انه انكشف؟
* موبس انكشف الا صار يتصرف من ورا ربعه اللي عارضوه في سياسته.
@@ يعني نقول سلم عليه.
* الله يساعده على بلواه.
@@ ابو العريف، اشوى الاتفاق تعادل، يعني الخسائر من الهولندي بيرغن؟
* لا والله الا من اللاعبين، ترى اللاعبين بيدهم كل شيء والدليل اللقب الأخير.
@@ ما علينا ابو العريف اشوف الدنيا مولعة في الخليج؟
* على طول مولعة، بعد اللقب العربي جن جنون البعض، وجند البعض بعض الابواق للدعاية والاعلان التي فاقت محطةC.N.N ، لا والغريب ان النكسات متواصلة للبعض، ومازالوا يراهنون على حب الخليج، وهم الذين يضعون المطبات في طريقه.
@@ يقولون فيه طبخات وايد خلف الكواليس؟
* لكن بعض الطبخات فاحت ريحتها واصبحت معروفة لدى الجميع.
@@ مثل ايش؟
* واحد من اللاعبين مسوي روحه ذكي، وأخذ يعجن ويخبص، لا ومفكر ان الاخرين للحين ماعرفوه.
@@ اف.. ابو العريف ومتى بتكشف امره وبتعطيه على قفاه؟
* في الوقت المناسب احنا بنعطيه بس وحدة، وبخلينه يمشي ويكلم نفسه.
** اكيد؟
* اذا قال ابو العريف يسويها حتى لو الواسطات صارت جيوش..!!
@@ ناويه وحاطه في رأسك يابو العريف؟
* صبرنا عليه لكنه تمادى، والملفات سيتم كشفها والحسابات القديمة بنفتحها، وساعتها الله يساعده على تسديد الفواتير..!!
@@ الدنيا معكوسة للزعيم هالسنة، حتى رئيس ماهم لاقين!
* مين كان يصدق زعيم الاندية يصير بهالحالة لارئيس، ولا دراهم، ولا لاعبين اجانب.. صحيح هذا زمن الاتحاد.
@@ يقولون ان البلوى لعبها صح؟
* اكيد (100) الف تبرع مقابل تنازل عن لاعبين..!!
@@ لكن الرجل شغال صح، مومثل بعض اعضاء شرف الاندية اللي تيرزرزون في الصحف ومو دافعين ولا ريال لناديهم.
* في هذي معاك حق يالمبرقعة.
@@ الا اقولك يابو العريف ايش اخبار الخصخصة؟
* صدقيني مامنها الا اسمها واحيانا اغلط فيه، تدرين ليش، لأن فيها فلوس، وأنا تعرفين دايم مفلس، وجيبي فاضي..!!
@@ على فكرة ما تعرف كم يستلم ببيتو يوميا؟
* يقولون ان يوميته مثل راتب سنتين.. قالها راشد الماجد (الدنيا حظوظ).
@@ ابوالعريف الظاهر انك تحلم كثير؟
* مثل احلام اليقظة، وهالايام اللي يحلمون وايد، ومافيه حد احسن من حد..!!
@@ ما دام الحلم ببلاش، احلم يابو العريف..!!
* يعني اللي يحلمون افضل منا، خلينا نحلم ما دام الحلم ببلاش.. ببلاش.. ببلاش.
@@ ابو العريف ايش قصة الزير سالم؟
* في اكثر من واحد يحمل اسم الزير سالم في انديتنا.. خاصة...!!
@@ والله سالفة الزير سالم كبيرة (ماكله معاك)؟
* اكيد احنا وراه حتى يزداد الضغط والسكر عنده، ونهايته مثل نهاية الزير سالم.
@@ ومنهو هذا؟
* الزير سالم ما غيره..!!