اللغز

كان كاتب اللغز الماضي احمد بن ناصر المحرج من الرياض ويقول :
انا بنشدك عن رجال حل بمنزله ضيفان
لهم هيبه وحتى لبسهم مضبوط ومهندم
قام وقدم الواجب طلب ياربع ياخلان
وحياكم على المقسوم رزق الواحد الاعظم
ويومه خاف منهم طمنوه وحس بالامان
وساقوا له بشاره لاهل بيته والله الاعلم
وقد توصل للحل شعرا:
جواب اللغز يالمحرج ترى مايحرج الشيبان
خصوصا من قرا هود وحجر والذاريات افهم
ملايكتن على ابراهيم مروا واكرم الضيفان
وزفوا بالولد بشرى وديرة فاسقة تهدم
عبدالعزيز الصالح -حائل
سلامي لاحمد المحرج واثنيبه على الاخوان
وصلى الله على محمد كما بارك كماسلم
على ابراهيم وآله مكرم الضيفان جاعجلان
ولا مدوا يديهم له رغم طيب الذي قدم
سالم البشري- الجبيل
ألا يللي طرحت اللغز يجيك الحل مهما كان
الغاز المحرج تحرجنا ياكثرمن يحله كم
ضيوف جوه من ربي لخليل الله عظيم الشان
وجابوله بشارة خير حقيقه عقبه زال الهم
خليف بن فهيد الحربي - الرياض
سلام الله على المحرج ولغزك يا رفيقي بان
لقيت الحل وارسلته على الايميل واعطى تم
هذا الخليل اللي لقى بامر الولي عظيم الشان
جوه الضيوف وبشروه بهالغلام اللي حلم
علي رشيد الرشيد-رياض الخبراء
يا مرحبا باللغز يا المحرج وطرقه يوم زان
اقوله صدق من قلبي وراع الصدق ما يندم
نبينا ابراهيم هو حله وانا عندي بيان
لفاه ضيوف في بيته من الميسور ما قدم
محمد ابو دحيم- البدائع
خليل الله نبي الله كريم خالص الإيمان
مضيف أنبياء الله جبريل وصحبه الأكرم
راغ وقدم لهم عجل حنيذ غالي الأثمان
وقالوا بُشرى يابراهيم غلام يسعدك والأم
عبداللطيف الحُمَيَّانِي - عنيزة
الا يامرحبا باللغز واللي سجل الضيفان
ضيوف جو من عند الولي سبحان من يعلم
ضيوف ضافو ابراهيم ابونا والخبر قد بان
وضيفهم بعجل واستلام ياصاحبي واسلم
جمعان بن حشر بن قويد-وادي الدواسر
سلام الله من بيشه ديار العز والعرفان
اسوقه يم نجد الطيب مثل الند والبلسم
ولغزك حله ابراهيم ياللي تنشد العربان
خليل الله نبي الواحد المنان والاكرم
علي الزولاني الفيفي-بيشة
لغز الأسبوع
كتبه للصفحة الشاعر صلاح بن عبدالله اليابس من الدمام ويقول :
رجلين من ضمن الرجاجيل يا أخوان
تميزوا كلن حمل له بنيه
رجيلين معروفين في كل ميدان
ومن راح منهم هي تروح لخويه