اللغز

كان لغز الأسبوع من طرح الشاعر أحمد بن ناصر المحرج من الرياض والذي يقول:
الا يا ويش رجل ضابط واقف وهو مستور
بمفرق وقفته له دور ولا أحد ينكره لله
ولو يغفل ولو لحظه يجيب العيد ياهل الشور
ودايم راسه لاسفل بعزه مابها ذله
وتوصل للحل كل من:
هلا يا مرحبا حييت ياللمحرج وجاك الدور
ولغزك جبت أنا حله وعند الأكل بسم الله
ترى حله حليق الموت حله وارد مشكور
وهذي أول الرمعات وعندك عادي وقله
صلاح بن عبدالله اليابس - رحيمة
سلام الله عليكم يأحمد المحرج صباح النور
عسى عمرك على الطاعة يطول وتلزم المله
نجيب الحل لو يصعب وأشارك ربعنا مجبور
هذا المزمار ولسانه عسى ما يصير به زله
علي رشيد الرشيد - رياض الخبراء
يالمحرج لغزك محير والفكر حار وقام يدور
صحيح لسانك المزمار لو حصلت به الخله
ليا حصلت به الخله يجيب العيد والمستور
تراني بانتظار اللغز بعد إسبوع ونحله
محمد أبو دحيم العريني - البدائع
* تنويه
سوف تتوقف زاوية اللغز بسبب تمتع معد الزواية بإجازته السنوية.