عواكيس

* الأخ معوكس ما الذي تظن ان تفعله لجنة الانضباط والاتحاد السعودي تجاه بعض القضايا المهمة والاتهامات الدائمة للجنة المنشطات؟
راشد الدوسري - الخبر
-لا أسمع لا أرى لا أقرر!
* العزيز معوكس ماهو الهدف من إثارة قضية التسجيل فضائيا، وبرأيك بعض المذيعين والمعدين من وده يخدم المتضرر ام الطرف الآخر؟
خالد الحميد - تبوك
- استكمال مسلسل درب الزلق!
* ما رأيك يامعكوس بكثرة برامج الرياضية والمحللين بدون فايدة لاعبون اعتزلوا معروفون في تدني مستواهم
تجدهم يحللون ويعتبرون انفسهم عالميين.. قريبا نجدك ياعكوسي تحلل وليش لا؟
متعب صويان
-عالميين وشعراء ذبحوا المتنبي وكسروا أبياته!
* الحبيب ابو العواكيس وش قصة اصابات لاعبي المنتخب قبل واثناء المعسكر.. اكيد فيه سر ماندري عنه؟
بدر سالم - الافلاج
- سر والكورة (غالب) ومغلوب!
* الناقد الكبير معوكس ما هو تعليقك على من يظهرون في البرامج مرة ناقد ومرة عضو لجنة ومرة متحدث رسمي ومرة اعلامي.. ياخي قلهم يرسون على بر؟
محمد الثنيان - الرياض
- يرسون على المدرج مع الرابطة!
* الاخ معكوس المحترم بالضبط وش يبي بعض الناس من ياسر ليش هم مقهورين منه لانه اشهر منهم وحقق بطولات وانجازات لم يحققوها طوال مشوارهم الكروي؟
متعب الشمري
- شويه مقهورين الا ميتين من القهر!
* زعيم النقاد ابو العواكيس ماذا تتوقع لدور الاربعة في كأس ولي العهد ووش رأيك باختيار الحكام؟
عبدالله التميمي- الدمام
- اختيار متكتك من المقرر!
* عملاق النقد الرياضي معوكس ليش رفض كومبواريه الظهور في بعض وسائل الاعلام وظهر من خلال الاخرى.. ظنك الامر يحتاج واسطة عند الفرنسي؟
الهلالي عبدالعزيز الفهد
- يحتاج رتويت!
* اخي وصديق الجميع معوكس قل للدكتور باريان ترانا نقف معك بس لاتكرر غلطة اللي سبقوك ومنحوا الثقة لبعض المعدين والمذيعين والنتيجة شفناها على الهواء وقدام كل الناس؟
يوسف اليامي - نجران
- بعض المعدين والمساعدين!
* صحيح يامعوكس ان لك علاقة بوكالة اعمال ريكارد وانك متستر على الموضوع وخائف يطبون عليك "نزاهة"؟
ثامر القحطاني- ابها
- ولا حتى وكالة غمارتين!
*قاهرهم وحابس دمهم ابو العواكيس
بصراحه قل لنا وش رأيك بمدرب الهلال الكرواتي زلاتكو تشوف أن الهلال شكله يبي يصير غير؟
بندر العصاي - عنيزه
- انا من شفت الاولمبي قدام الفيصلي تذكرت فترة العجلاني!
*الساخر معوكس وش رايك في غلطة البيشي قدام الصين يوم ثبت الكوره للمهاجم؟
نواف الصيخان - حي الفلاح
- هذي شكله تعلمها من الزوري!
* ابو العواكيس أشوف بعض الناس فرمل وخفف لهجته على لجنة المنشطات وش القصة
احمد الحمد - بريدة - الصفراء
-الخوف مليح ياحبيبي "الوادا" ماعنده لعب مثل بعض اللجان!
*صاحب المليون رسالة وش رايك بزواج المسيار أنت ضده ولا من مناصريه
حمد الدوسري-العزيزية
- أشوف أنه لعبة الشجعان شرواك اللي يكفخون اذا جو من الاستراحه متأخرين!
*عزيزي معوكس أنت متفائل بمستقبل القناة ولا العكس وعساك سالم و"غانم"
ابوسعد - حي الشفاء
- البلا من بعض المشجعين وسالم وغانم والحي يحييك!