عواكيس 1/2/2008

@@ العزيز معوكس المحترم!
@@ ما رأيك الجمهور ينتظر مباراتي الحزم مع الهلال والحزم مع النصر في الرس والمدرجات غير كافية؟
أبو بدر - الرس
- يمدحون ملعب التعليم بس المشكلة الحرف "واو"
@@ يا أبو العواكيس العاكس المعكوس العكيس عندي اقتراح ألا وهو ليش ما تحترف بالجرايد الأوروبية ما دامك خطير؟.
معاذ اليوسف - القصيم
- أخاف يصيرلي ما صار لياسر ولا تنفع الطائرة الخاصة معي.
@@ كيف الحال يا معكوس..... أنا أتوقع أن لاعب سعودي رقمه 22سيغطي على مارادونا ونقول إن شاء الله؟
الهلالي أبو نورة - البكيرية
- يمكن في "البلايستيشين".
@@ السيد معوكس بعد التحية وش رأيك في بعض اللاعبين أو الإداريين اللي "يتغلون" عندما يطلب منهم أحد المذيعين إجراء لقاءات ميدانية قبل أو بعد المباريات مسوين أنفسهم في الدوري الانجليزي أو الاسباني!!
أحمد التواما "أبو ياسر" - بريدة
@@ أجل وش جابه يم الكاميرات؟
- صديقي معوكس: ليش أجانب النصر يجون للسعودية وإذا خسروا بالأسهم قدموا شكوى للفيفا "خصوصاً كبار السن"؟
هيثم محمد البقمي
مجمع الفاخرية
- يا ابن الحلال خلهم في حالهم الأسهم والله عند الشاعر الخطير
@@ أبو العواكيس أيش رأيك في إللي هربوا إلى تبوك حتى لا يحضرون اعتزال الأسطورة؟ يمكن يدرسون إصدار بيان متكتك؟
فهد العرجون - جدة
- بس الحمدلله ما طلع لهم عقارب ولا حيايا
@@ يا حي أبو العواكيس.. الحين فيه سؤال محيرني منذ مبطي الحين رونالدينهو والمنتشري على كثر الملايين اللي تجيهم ما شفنا أحد منهم ركب تقويم ما أدري قعاطه، ولا وشي؟
غلط أخوك
أبو جمعان - شارع عجمان
- هذي ما هي سنونهم هاذا "لوك" جديد يا كرتون
@@ عواكيشن.. الحين اني كنت اشجعك من زمان ما كان يؤزراك معكوس وإلا الشلهوب يوم سدد البلنتي كان ناوي يطلعها؟
غلا روحي
- حسبي على سعد إلي أعاد الأولى يبي يسوي حقاني
@@ السلام عليكم يا أبو العواكيس إلا ما قلت لنا ما سر تألق القائد الاتحادي محمد نور في مباراة اعتزال "الذئب سامي الجابر!!!"
زياد الشدي الخرج
- عشان يقنع "فيرغسون" يتوسط له عند انجوس
@@ معكوس بدون إجابة دبلوماسية في تصورك رتب أول أربعة فرق الأكثر جماهيرية في السعودية؟
زيد السليمان
الرياض - البديعة
- إلا فيه لاعب اعتزل مؤخراً جماهيره بس أكثر من جماهير بعض الأندية
@@ معوكس ليش دايماً تكون مع الهلاليين ارجو أن تعلم بأنه يوجد قراء من أندية ويجب عليك احترام هؤلاء القراء وأنديتهم ولك مني كل تقدير واحترام
محبك أبو سليمان
- ممكن تقدم شكوى للجنة الاحتراف والجماعة بيردون عليك بخطاب "تصالحوا حتى اشعارآخر".
@@ صاحب المليون رسالة معكوس بعد التحية: كيف ترى قرار رئيس الهلال بحجب الرقم تسعة؟
مصعب الجريسي - الرياض
- محاولة ترضية في الوقت بعد الضائع
@@ الاستاذ معوكس المحترم!
@@ وش رأيك يتحشم اللاعبين عن ظهور بعض العورة "الفخذ" حتى تكون رياضتهم شريفة خاصة وانهم إذا لبسوا سراويل راهية "كاسية" يكونوا قدوة حسنة.
محب الهلال
عمر آل قطيان "الفضلي"
- وعلى فكرة ترى بعض الملابس أزين من اللي لابسها