عواكيس

* أبو العواكيس الف تحية ما رايك في الهلال العالمي بعد ترشيح مباراته مع الاتحاد كأفضل عشر على مستوأ العالم لهذا الاسبوع حسب احصائية احد المواقع الامريكية؟
مع تحيات اخوك لملوم الرياض
- يبي لها المتحدث يحدد الاتحاد صدقي ولا كذبي الله يرحم الثقافة!
* عزيزي معكوس، فيه قانون اسمه "رد اعتبار معنوي" فعلى ذلك يطلب من رادوي تقديم اعتذاره مباشرة لحسين وينتهي الموضوع؟
عبدالرحمن النويصر – الرياض
- إن انتهى ما لقى حسينوه جديدا يضحك به على الجمهور واجبروه على الاعتزال بحضور منتخب سدير وأم سدرة!!
* الاخ معوكس قررنا تعيينك متحدثا رسميا باسم نادينا بس بشرط البيانات باسمك وحنا اللي نكتبها قل تم ومدة العقد 10 سنوات؟
خالد الفهاد – الرياض
- وبشرط ما تحرجوني بمواضيع اتحاد الاحصاء الصدقي!
* الوسيم معوكس دائما اقرأ ترديد كلمة "كاتب التوبليس" من هو المقصود بهذه العبارة وهل هو من كتاب المعاريض والا كتاب الصحف؟
جميل باهبري – جدة
- من كتاب لصق ولزق "وشعر القلطة"!
* المرزف معوكس ما هو تفسيرك لبعض المداخلات وهل هي تدعو لنصرة الفريق "اللي في بالي" والا لكسب استعطاف بعض "كتاب حنا حاضرين"؟
هادي الشمري-حائل
- مطبوخة يابعد حيي والجايات أكثر!
* الوفي معوكس ليش ما تسوي حوارا مع عبدالسلام الهليل ليحدثنا عن اوضاع فريق 14 وهل التنافس انتهى بينه وبين الزرادية، وهل هناك نية لديهما للاستعانة بحكام اجانب؟
سعيد الشهري - النماص
- انتهى داخل الملعب وأصبح في الفضاء بعد مداخلات رئيس الزرادية!
* الظاهر يا معوكس ان آخر حياتك تبي تصير مندوبا للتسويق والبضاعة اللي تبي تسوقها كراتين علوك ومناديل، فالكتابة تبي واحد لياقته فل؟
صديقك الجديد نواف الحميدي - الدمام
- فل وياسمين وأساور ومسابيح وخواتم!
* النوخذة معوكس اتوقع الاتفاق يسويها قدام الهلال ويقلص النقاط بين "الزعيم" و"العميد" على الرغم من خروجه من الكأس على يد الوحدة؟
عوض العنزي- عرعر
- شوية يسويها تبي تشوفه كانه منتخب اسبانيا في نهائي كأس العالم!
* الاستاذ معوكس هل تقرض الشعر وما هي علاقتك بشعر المحاورة، وكيف ترى مستقبل القلطة؟
خالد الرويشد – الخرج
- أرى بعض البرامج الرياضية كانه شاعر المليون وشوي ولا المحلل او المستكتب يقول خلوها!!
* وش قصة ابناء عطيف مع الشباب يامعوكس ومن الغلطان النادي والا هم؟
حمود الرشيدي- الحائط
- حسب تقرير المرور!
* الاستاذ معوكس وش سالفة الاستفتاء الانتخابي على الرغم ان بعض المرشحين مارايح يوطوط حول كرسي الرئاسة يعني كلها "مهايط"؟
صالح العازمي - دومة الجندل
- مهايط وآخرتها مارايح "تعدي" وماله الا كرسي على الكورنيش!!
* الملوسن معوكس من الشخص اللي يحاول اقناع خالد عزيز بتقديم الشكوى وهل الدوخي بحكم علاقته مع الدعيع له علاقة بالموضوع زي ما كتبت بعض المنتديات؟
حمد الراشد- الرياض
- تعرف الشباب أصدقاء وشد لي وأقطع لك!
* "شيخ النقاد" معوكس صنف لي المعلق عدنان حمد وهل يستحق ان يكون المعلق الاول" عطفا على علاقاته المميزة مع الرياضيين؟
احمد الغامدي- جدة
- ابوحمد يحب المثل اللي يقول ما يمدح السوق الا من ربح فيه!
* قررنا يا معوكس ان نقف صفا واحدا في الملعب وان نهتف "معوكس.. معوكس" بعد مرور الدقيقة 62 بحكم ان عمرك بلغ هذا الرقم؟
عمر السنوسي- الطائف
- دواكم لجنة الانضباط القدوه في العدل والحياد!
* قاهرهم وحابس دمهم معوكس تحية وبعد:
أشوف النصراويين طايرين في العجة وأزعجونا عند لقب المطوع بصراحة يستاهل بس وش دخلهم الانجاز مع القادسية ومنتخب الكويت؟
صديقك- عبد الملك المرشد-أبو فهد
- حلوة وش دخلهم هذي لعبتهم ما لهم غيرها ويكفي أن بدر كشف اللي ما يعترف باتحاد الاحصاء!!
* المبدع ابو العواكيس تحية وبعد:
تتوقع "خط الفتنة" يناقش جائزة المطوع ويحشد في البرامج زي ما صار مع لقب القرن خصوصا ان اللي منح الجائزة واللقب واحد وهو اتحاد الاحصاء
بندر العصاي -عنيزة
-المرة الاولى اتصلوا وردت عليهم الشغالة يمكن يخافون يرد السواق هذه المرة!