يا عل ابو خالد بجنه وغفران

عزيت نفسي قبل الادنا والاقصين
بوفاة رمز الجود والخير سلطان
سلطان ابو خالد حبيب الملايين
واهل الوفاء والطيب يوجد لهم شان
واكبر دليل حشود جمع المعزين
من المملكة وايضا بعيدات الاوطان
حاتم زمانه والفعايل براهين
ورمز الكرم معروف في بذل الايمان
بذل من الاموال في منهج الدين
الله يجزاء روح سلطان الاحسان
للخير في وجهه دليل وعناوين
ومعروف حسن الخلق من وفق الانسان
بشوش مايومٍ ظهر خاطره شين
يوم خذاه اللي للاعمار ديان
عساه في يومٍ تبين الموازين
بستقبله في جاه مولاه رضوان
ابو الارامل والضعوف المساكين
اللي جداهم بس نظرات الاعيان
عون الضعيف اللي شكا لهم والبين
من حر مايشكي من الهم بلشان
واليا وصل سلطان سمح الحجاجين
ينسى جميع اللي شكاله من احزان
وخدم بلاده في جميع الميادين
وحفظ عهد للعهد وافي ولاخان
وعشرين عام وزود تسعه وعشرين
وزير جيش العز والفعل برهان
دون الوطن هزم جيوش المعادين
المملكة جيشه معاديه خسران
وياسامعين للدعاء قولو امين
ياعل ابو خالد بجنه وغفران
سميحان بن فهد السويدي الشمري