فراق طلق الحجاجين وفقد نايف .. مرثيتان في فقيد الوطن

عبَّر كل من الشاعرة فتاة نجد والشاعر وليد عبدالله عن حزنهما العميق في فقد سمو ولي العهد صاحب السمو الملكي الأمير الراحل نايف بن عبدالعزيز من خلال (فراق طلق الحجاجين وفقد نايف) اللتين تجسدان مشاعر كل مواطن تجاه رحيل هذا الرمز الكبير الذي نذر حياته لخدمة دينه ثم مليكه ووطنه.. ندعوكم لمشاركتنا ماجاء في كل منها..
(فراق طلق الحجاجين)
شعر- فتاة نجد
رحيل نايف يدمي القلب والعين =من ذاق حر أفراقه الله يعينه
على وزير الأمن ذخر الميامين =ا فيه مسلم ما ذرف دمع عينه
لج الوطن لفراق طلق الحجاجين =وجميع سكانه مدينه مدينه
الله يصبر قائده قولوا: آمين =والشعب يلهمه الصبر والسكينه
ويغفر ذنوبه يوم نصب الموازين =ويجبر عزا كل القلوب الحزينه
نايف الأمن واسمه شموخ وعناوين =الأمن باسمه حافلاتٍ سنينه
فقيد موطن نصرة الحق والدّين =مدي حقوق الله وحقوق دّينه
نادر مواقف والفعايل براهين =مشهود له بالمجد من حين حينه
عضيد عبدالله على العسر واللين =وما خاب من مثله سنده وعوينه
لا قيل نايف قالوا الناس: نعمين =الرأي صائب والمواقف ثمينه
مركزه الأول في جميع الميادين =صمام الأمن المستقيم وعرينه
صنع القرار بحنكته له مضامين =فذٍ عطا وأخلص بنفسٍ أمينه
ونبراس تاريخ البواسل الأمينين =سطره ابن عبدالعزيز بيمنه
رجال الأمن بسيرته مستمرين =أمن الوطن وأهل الوطن حافظينه
في كل شبرٍ في بلاد الحرمين =عهد الولاء الأبطال متوارثينه
(فَقْد نايف..)
شعر- وليد عبدالله
ي..الله عليك المشتكى يارب وأنت المستعان
اجبر مصاب المملكةفي فقد نايفها الأمير
لو ينكسر مليار خاطرحزن / وفراق / وحنان
منهو يلوم اللي غداخاطره بفراقه كسير؟!
كنّي أحسّ بدمعة البيتين مع قرب رْمضان
وشلون لا.. وأفعال نايف شوف لعيون الضرير
حول أربعين وظلّ نايف بعد ظلّ الله أمان
أرسى حدود الأمن..وأخْمد كل شرٍّ مستطير
سبحانه اللي عزّ به دينه على مرّ الزمان
سبحانه اللي سخّره للحق والراية نصير
يارب بعده لا تغيّر من معالم ه..المكان
تبّت يدين أهل الرحى اللي بالرذيلة تستدير
الله وأكبر ما يدنّسها صليب وشمعدان
الله وأكبر ياعداة الدين.. وأصحاب السعير
والحيّة اللي بشّروها حول ديرة "هرمزان"
تبطي كسيرة ناب والله فوق قدرتها قدير
اللي لبس ثوب الهوان.. يْموت في ثوب الهوان
واللي لبس ثوب الكرامة ما يموت إلا كبير
إن كان نايف مات بعده ما يموت الصولجان
الكل نايف حول أبو متعب يصير اللي يصير
إن مات تبقى سيرته.. مسك / وعبير / وزعفران
الله يعظّم أجرنا .. والله يعوضّنا بخير
ي.. الله تسكن نايف برحمتك في عالي الجنان
واجْزه عن الشعب السعودي خير.. والْبسه الحرير