ولي عهد المملكة راع الاحسان

يا لله يا منشي ثقيلات الامزان
يا مفرقن بين الحلال وحرامه
يا واحدن تسجد له الانس والجان
يالله عفوك في نهار القيامه
ومن بعد هذا طاب لي نظم الالحان
وخذيت من جزل القوافي سنامه
من شاعرن دايم للاشعار عنوان
قلته برجلٍ يستحق الزعامه
انا احمد اللي عاد للشعب سلطان
لارض الوطن سلطان عاد بسلامه
ولي عهد المملكة راع الاحسان
الله يحفظه بالسفر والإقامه
في عودته كلٍ سعيداً وفرحان
والشعب كله له يكن احترامه
الليث ابو خالد فزع كل بلشان
فزعة ضعيفٍ كايد الحمل ضامه
سلطان راع الجود سلطان الانسان
راع العطا سلطان رجل الشهامه
نفرح بسلطان المواقف كحيلان
ابن الامام اللي بسطها واقامه
اقام دولة حق شرع وقرآن
عبدالعزيز الله يرحم عظامه
خذاه بالحنكه وبالسيف شامان
وعن غير ابو تركي تنحت وشامه
اللي حكم في عدل وانصاف وايمان
عقبه عياله كلن اشتال زامه
دولة هل العوجاء طويلين الايمان
الدوله اللي نفتخر في نظامه
مهبط وحي للدين ضدٍ للاوثان
ما دنسه حكم الضلال وظلامه
الله يعز الدين ويديم سلطان
عضيد ابومتعب ذراعه احزامه
عبيد نواد السويدي