سلمت ياراع المكارم والإحسان

بعد لفانا راعي الجود سلطان
الحمدلله يوم جاء بسلامه
ولي عهد المملكة طير حوران
ياحي هالطله وهالا بتسامه
الشعب مشتاق لشوفه وولهان
حتى الرضيع اللي بسن الفطامه
جعله طهور من المرض ياكحيلان
يافزعة اللي جاير الحمل ظامه
يافزعة المظلوم كان الدهر شان
والله لتفرجله وياخذ مرامه
الشعب يدعو لك شباب وشيبان
حتى لو انه ساجد في قيامه
هداج تيماء يارده كل ظميان
ماهوب رس ماه مروى حيامه
الخير في طلة محياه لابان
ويفرض على كل الشعوب احترامه
هو والكرم دايم قرينين وأخوان
الله جمع فيه الكرم والشهامه
غيث على شعبه من الخير هتان
للطيب في وجهه أرسوم وعلامه
مهما أمدحه ما قالوا الناس غلطان
المدح في الطيب طويل أخطامه
وسلمت ياراع المكارم الإحسان
يا اللي لك من المجد ذروة سنامه
يابن الزعيم اللي للأمجاد عنوان
اللي عسى الجنه تبرد عظامه
صقر الجزيرة مروي السيف شامان
لامن عج الخيل ثور عسامه
وحده بلاده من حديثه ل نجران
ومن الخليج إلى علاوي تهامه
عبدالعزيز اللي دحر كل شيطان
يشهد له المصمك ويوم الرغامه
سهل بن بندر المقاطي