القايد الباني

سلام الله على اللي عزَّ شعبه والوفا مبداه
سلام للزعيم الفيصلي والقايد الباني
أبو متعب سناد العرب سيفٍ صارمٍ لعداه
ومن عاداه عود مستذلٍ خاب خسراني
عريب الساس يا الله إلهي نطلبك تاقاه
مجير الجار سور الدار اليامن الزمن شاني
حكيم الراي ميزان العدالة لينٍ ما اقساه
على كيفه بواجبها يسويها كحيلاني
رفيع الجاه ذخر اللي شكا له والتجار بحماه
معزّ الدين عون المسلمين بكل ميداني
ما دام الشعر حاضر والثناء في سيدي يزهاه
ابصوغ المعاني وانتقي من زين الالحاني
يطيب القاف في مدح البتوع اللي مثل شرواه
صناديد الملوك اللي لهم قدر وميزاني
على وجهه تباشير السعد والسعد في ممشاه
جزيلات الفعايل من سجايا ذرب الايماني
نحمد اللي شفاه وسلمه من علته عافاه
على شوفه جميع الشعب مشتاقٍ وولهاني
على شانه ومن شان الوطن بارواحنا نفداه
اليا منه وأمرنا صف واحد ماله الثاني
وأبو خالد عضيده بالنوايب خطوته بخطاه
ولي العهد سلطان المواقف عاش سلطاني
يجود بجود ساس من راسه اليا ما طاه
ومن يمدح جنابه يفتخر ما قيل غلطاني
سنام المجد عزوة من تضايق حدته دنياه
نقوله معتزين والحقايق خير برهاني
ونايف نايفٍ ما حد تعلا وارتقا مرقاه
زعيم الأمن عزَّ الله فلا مثله بليهاني
عمى عين العدو اللي على الطرق السليمه تاه
سمو النائب الثاني قوي الباس لا هاني
سلايا من علا صم الرمك داس الخطر وارساه
بحد السيف بسنين الشقا وعصور الأكواني
أبو تركي شرب كاس المنايا لاجلها وانجاه
تكفلها كفاها واحتماها طير حوراني
وعم الخير بربوعه بتصميمه وحسن ارياه
وكون دولة لها وزنها في كل الأوطاني
ألا يا الله يا رب الملا عن موطنه تجزاه
مع الناجين يوم الحشر في جنات عدناني
عسى الله ينصر اللي حاكم بالشرع شرع الله
هل التوحيد نور الدار للمضهود مزباني
وصلى الله على سيد البشر والرحمه المهداه
عدد ما لاح براقٍ وهلت غرّ الأمزاني
فهد بن عبدالعزيز الرميان -
بريدة