ارفق على عنزك وخلك حنوني والرفق لازم للحيوان مطلوب بعض العرب بالذبح ما يرحموني وكل ما يجري على العيد مكتوب علي رشيد الرشيد - رياض الخبراء تعيش يا النشمي عسى عمرك طويل يا مكرم الضيفان بالكبش السمين بديت في درب المراجل لا تميل عن درب من سبقوك ذربين اليمنين علي بن معاضة - الرياض تسلم وتبقى للكرم يا فتى الجود ويسلم ابوك اللي على الطيب رباك بيتك يبي يصبح كما العِد مورود ملجا الرفيق .. وجار .. والضيف ينصاك فهد بن عقيل الطويان - بريدة سم وتوكل وأسدح التيس بشويش وتقّبل القبلة وحدّ الشطيره وحطه لحم مندي قدام المطاريش هذي فعول أهل الوجيه السفيره خالد بن ناصر المخيمر - روضة سدير يا بوي عجل وصورني ترى الغنم كلها راحت مع غيبت الشمس دورني ليا الغنم كلها ضاعت عبدالكريم عبدالرحمن السلوم - القرائن العود غضّ وباكر العود يشتد وعزيمتك يبني بها ارتاح جاشي ولا طال عمرك والزمن فيك امتد تذبح يمينك التيسيمناك حاشي سعود عائش الحربي - القاهرة شفنا البهايم لعبةٍ عند الاطفال والله حرام الفعل هذا يالاجواد واجب علينا نوجه الطفل يا رجال وعلى ولي الأمر في زود الارشاد محمد بن عبدالعزيز الخنيفر - أشيقر مدري تشيل العنز والا تشيلك أرفق تمهّل يا ولد لاتبهذلك تراك غادي ماتحصّل دليلك حملٍ رفعته لاتظنه يجملك عبدالكريم إبراهيم إبن خزيم - البكيرية حرفة مصور تستحق الاشاده والقدر عالي تستحقه منيره صورة كرم فيها رموز وإشاده صوره فريده من بنات الجزيره خالد فهد المطيري - حفر الباطن يا عاقد الحجان في حضرة التيس مدري طرحك التيس ولا طرحته شيله غريبه كنها شيلة الكيس خطراً تمصّع منه لو ما سدحته سعد الحماد -روضة سدير تعال حتى وانت حملٍ علي جور يا ثقل وزنك فوق رجلي وصدري العيد باقي دونه أيام وشهور والشايب يوصي على العيد بدري حسين القفيلي - نجران التيس مذبوحٍ على كل حالي أما برضا يا بكر والا غصيبه ابذبحه للي عزيزاً وغالي اللي مثل شرواك ربي يجيبه طلال بن غارم آل فرحان - الرياض ياشايل التيس حذرا تغوله توك صغير ومابعد حلل الذبح اسرع لابوك وابشر بطيب قوله قله ترانا مشتهين الشوا صبح حمد عبدا لله الوايلي - حوطة سدير ياهيه ياللي تشيل التيس ارفق على التيس باالهوني التيس غالي على الفليس مايملك افلوس مد يوني كحيل بن مناحي الدلبحي - الجمش صورة العدد الماضي
