صوت الصورة

بالعيد شلتن على إكتوفك
للمسلم اللي يبي ذبحي
الموت لي صار معروفك
الله يعينن على صبحي
فهد بن عقيل الطويان - بريدة
ارفق بحال الكبش قبل المماتي
لا تتركن ما بين جزار وقصاب
وقت الضحيه ذبح ضانٍ وشاتي
والنفس تأخذ مالها لذا وما طاب
عبدالرحمن بن منصور التركي - البكيرية
اليوم الأعظم في السنة يوم النحر
نكثر به التكبير مع ذبح الهدي
ولنا من الحسنات بعداد الشعر
نتبع خليل الله ونهجه نقتدي
ضيف الله مسيب الروقي - الجمش
يا ساعي للخير هذي رساله
ترى الضحيه مطلب لا تخليه
لا تاخذ الا الزين وفيه الجزاله
واحرص على المحتاج لزمن تبديه
محمد بن عبدالعزيز الخنيفر - أشيقر
الكبش يشرى للكرام أوضحيه
فوق المتن محمول كملت شروطه
يشرى ولو يزيد بالسوق نقديه
وآمالنا ياليت الأسعار مضبوطه
سعود عائش الحربي - القاهرة
قام يهمس في سمع شاريه وش فيك
دور على غيري ترى السوق مليان
قرني سنين وادغله في علابيك
كودك تعرف من الخطأ ضيم خرفان
سعد الحماد - روضة سدير
هندي على كتفه خروف الضحيه
والاجودي بالحيل متمسكٍ فيه
العيد مسعد ياعسانا سويه
يلتم شمل الدار باللي سكن فيه
صالح بن عبدالعزيز السويح
يالهندي ارفق على الخرفان
ترى قيمتهن قيمت حاشي
نذبحن ونفتح البيبان
ورزقنا على منشي الناشي
معيض مليح الغضوري - الرياض
ياحبيب أرفق عليه يا رفيق
كانك صادق ياحبيب تجني
لو اصيح صياح في وسط الطريق
من كثر محبته لي ما كبني
زبن مقبل العنزي - بريدة
مرحوم ياطلي على الكتف مشيول
ناصي به الهندي محل الجزاره
يبي يضحي به عسى الذنب مغسول
ويكبس عليه الرز ويكثير بزاره
خالد بن ناصر المخيمر - روضة سدير
ياحبيب العيد جانا ياصديق
والعرب قامت تحد أمواسها
ردني للشبك تكفى يارفيق
خل عيني تهتني بأنعاسها
فيصل المطيري - الرياض
حبيت رأسك لا توديني الذبح
عيني تشوف الموت قدامها
وعينك تراقب تبي مكسب الربح
وأدري بغيري ضاعت أحلامها
حمد عبدالله الوايلي - حوطة سدير
يالحبيب ما ندري وين بنروح
تراني مرتاح ودي انام
أنا أشهد مالي معك اي مصلوح
بس انتبه لا توديني لمسلخ الأغنام
سلمان عبدالعزيز المعيلي - الرياض