صوت الصورة

يا شايل الجحه على دبّة الغاز
من فوق سيكل في ثباتٍ وموزون
لو ادخلوا له صورته في (قنس) فاز
بعض المهاره داخل الناس مخزون
سعد الحماد - روضة سدير
يسوق دراجة بدون ارتعاشي
رزقه على المعبود فجاج الأصباح
الاسطوانة فوق رأسه وماشي
ومن فوقها البطيخ والحمل ما طاح
خطراً عليه من الهوا والرشاشي
يطيح حمله والخطر فيه ما زاح
عقلا خزن - تبوك
أسطوانة غاز فوق الرأس والسيكل يسوقه
وفوقها الحجة ولا طاحت وبالسوق يتمشا
واثقٍ من نفسه الحفيان ما ش أحدٍ يعوقه
جحته هي الغداء والا على الجحة تعشا
جميل بن محمد العنزي - الرياض
اشقا ع روحي لجل لقمه العيش
دراجتي مركب عبوري ليا سرت
واشيل حملي فوق متني كما الريش
ما همني الشامت ولا فيه فكرت
عويد سعيد الواهبي - بيشه
معقول كن الرأس فوقه كلاليب
يسُوق سيكل جحتِه فوق غازه
رأس المره قلنا به أوّل مقاضيب
واليوم شِفنا الفرق بأسباب عازه
فهد بن عقيل الطويان - بريدة
إن كانها بالغاز عادي لو أنشال
بس البلاء البطيخ يا كيف شالوه
صورة فريدة صورها على الحال
تمزج مع الضحكات باللي صدفتوه
في سيكله مبسوط ويجر موال
يبغى غداه رمحيه خلوه .. خلوه
عبدالكريم بن خزيم - البكيرية
أنا اشهد إنه للتوازن يجيده
ماشي بحمله ما تحرك مكانه
ثابت ثبوت والمسيره تزيد
واثق وكنه ما خذٍ له ضمانه
حمد عبدالله الوايلي - حوطة سدير
الحمله اللي شلتها والخط في رحله طويله
وجا للبواري فالبلاد أزمة ولج وكثر صوت
يبن الحلال الوقت ضيع والزبون اخلف عميله
كب الشوارع لا تجيها ما وراها غير موت
ازرع ونام ووص جارك يوم يسرح مع كفيله
وارو الحصيل اللي تديره من حلال ونبت توت
محمد زايد الروقي - الجمش
لولا إننا في عصر فن الفتوشوب
لا قول هذي من عجايب زمانه
كشفت نفسك يا مصمم بملعوب
بالله وين الظل للاسطوانه
عبدالعزيز الصالح - حائل
يا معبرن وقتك على أبو عجلات
أرفق ترى درب المسافه بعيدي
الغاز والحبحب هن أكبر علامات
من فوق رأسك شلتهن يا الشديدي
الفقر مشكل والمعزه تبي ذات
والناس ما ترحم ولو ما تفيدي
خالد بن ناصر المخيمر - روضة سدير
للرزق جوبوا مناكبها
دامه حلالٍ مع القانون
وافد بضاعته جايبها
وشدّ حمله فكر وعيون
طلبت مجري كواكبها
توفيق للرزق يسعون
سعود عائش الحربي
يا سايق السيكل بوسط الشوارع
خليك حريصٍ لا تطيح الحموله
حمولتك غازن وحجة مزارع
تراك يا سواق جبت البطوله
عبدالله علي الحوشاني - الرياض
يا شايل الغاز فوق الرأس
كل الخطر صايرن فيها
صورتك عجبه لكل الناس
ما ظن غيرك يسوّيها
عبدالكريم عبدالرحمن السلوم - القرائن
صورة العدد السابق
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
ونرحب بما تلتقطه عدساتكم