يا صاحب السيكل ترى البرد يقتلك لا تشتغل بدري قبل تطلع الشمس جب الحطب لوهو على متن سيكلك لا ددسنن عندك ولاعندك الجمس زبن مقبل العنزي - بريدة دراجتي تغنين عن منّة الناس تحمل متاعي تنقلن وين ماريد أعبر الدنيا وأدوّر للاوناس ورزقي على ربٍ على خلقه يجيد صالح عبدالله الزرير التميمي - الرس رغم الضروف وموجة البرد ما نام من فوق سيكل حزمته من خلافه الشيب في وجهه من ضروف الايام الله يعينه كيف يقطع مسافه هذال بن ضاوي العتيبي مسكين ياللي ضعيف الحال والحاله ماله جدا كود سيكل ينقل اغراضه عودٍ كبير وتبهذل شاف غرباله مع زود برده تزايد فوقه امراضه حمد عبدالله الوايلي - حوطة سدير من يلوم الأفغاني لو شرا له حطب حدّه البرد لانه وصّله منتهاه لفتّه فوق راسه ما تفي بالطلب ما يفي بالطلب يا كود لابس رداه غازي قاعد العتيبي الدوادمي لا جاء الشتا ترتاح في شبة النار وايامنا هذي بها البرد يزداد وراعي الحطب يكويك في زود الاسعار لازم يوقّف عند حدّه يا الأجواد محمد عبدالعزيز الخنيفر – أشيقر رفيق راكب فوق سيكل وماشي شايل حطب يبي يتدفى عن البرد ما ضنتي بتالي الشهر له معاشي تومي به أيامه مع سنينه الجرد ولاضنتي سراح راعي مواشي ومكان ما يعرف نبت بأرضه الورد عبدالعزيز العنزي يا راعي السيكل توقع بممشاك حملك ثقيلٍ يمكن إنه يدهويك ترى الحطب بلشه يحدك وينحاك وأوذيت من يمشى ويقرب حواليك علي رشيد الرشيد - رياض الخبراء هذا العفيف اللي تحدى الملامه رزقه على السيكل ولله ساجد يحطب ولا يرضى تهون الكرامه عزيز عن جدوى المخاليق صامد اي والله إنه راس فخر وشهامه ما يوم ذل النفس عند المساجد علي جابر آل زولان الفيفي - بيشة يا حول يا عودن حداه الشتا حد نشّف اعظامه رغم زود الثيابي يالله تكافينا من البرد إذا اشتد قامت تراعد بزورنا والشبابي خالد بن ناصر المخيمر - روضة سدير شايبٍ قدم شابه يوم توحيد البلادي في زمان فيه قل المال والعمله قليله اعتنوبه يا رجال الطيب .. يا رجال الرشادي رجعوا له يا جماعه لو قليل من جميله بدر بن خلف الحزيمي يا راعي السيكل البردان حطبك ما يكفي ولا ليله ما يدفي إلا عايدي مليان وأمن السمر يا بو ارجيله عبدالكريم عبدالرحمن السلوم - القرائن يا بكر بن هذال جبته على الجرح البرد قارس والحطب لاذ بالسوق لاشفت لي جيبٍ تراكض له فرح ابي السبق من قبل لا صير مسبوق محمد بن فهد الجلعود - سميراء نستقبل مشاركاتكم على إيميل الخزامى [email protected] أو الفاكس رقم: 4871070 ونرحب بالصور الهادفة والطريفة صورة العدد السابق
