العامل اللي تجرته كلها اقلوب محضور لاهب الهوا يغلبنّه بوقتٍ به أنواع التجاره لها اسلوب ولو هو بوقتٍ فات ما عيشنّه والعيشه صعبه لكن الجهد مطلوب احسن من ريالٍ يجي فيه منّه عبيد فنيس الوهبي - بريدة يا صاحبي إحذر إلى هب تيّار خلك سموحٍ وين ما سار بتسير حملك خفيفٍ والهوا فيه طيّار ترى الخطر تكفخ من السوق وتطير سعد الحماد - روضة سدير خطراً يطير بسيكله عالي الجو تسعين بالونه لها لون وأشكال السوق جاهز حاضر البيع لاجو الله يفكه سالم العود والحال حمد عبدالله الوايلي - حوطة سدير وين المرور ووين سر البوليسي ووين ساهر يظبطه يوم خالف عطه القسيمه.. ركّبه بالتبيسي واسحب له الرخصه وسيكله تالف عبدالكريم النغيمشي - الربيعية يا صاحب السيكل بوالين تكسيه تسعى من أجل الرزق والدرب مخطور هذي دروبٍ ما بها خير تمشيه تروح روحك فعلك اليوم محظور فعلك ترى مرفوض محدٍ براضيه هذي نصيحة اعرف العلم والشور محمد عبد العزيز الخنيفر أشيقر ياراعي البالون مخطي وصايب أصبت فالغايه ولا فيك حيله حاولت تفرّح لك قلوب وحبايب يهمك المكسب على اللي تشيله عرّضت نفسك للخطر والنشايب وما كل غايه بررت للوسيله محمد سالم الثبيتي - السر إي والله الحاجه تحد البشر حد يبي لها يا ناس بعض السياسه شف ذا محمّل حاجةٍ ما لها عد يمشي ولحدٍ شاف جسمه وراسه هذال بن ضاوي العتيبي قلبي دليلي لا تعذلون تكفون خلوه يدري حالتي وش جرالي أركب على السيكل ولا أحتاج لعيون درب المحبة خابره ما خفا لي كل اليدين مجودات الدركسون ولا جيت أهدي باصبعي عزتالي عبدالعزيز بن فهد الريس - الرياض السيكل ما يركب إلا أثنين ولاهي بعيده مراويحه محملينه وفاله شين متهايفٍ على الطيحه قال لخويه اجي بعدين جنزير يحتاج تصليحه عبدالعزيز العنزي - بريدة ما بال هل المجهول تحت البوالين كنّه بعيراً حملوه الظعينه يسير عشوائي بوسط الملايين والحمل من فوقه حجب شوف عينه شوفوا خويه ما ظهر غير ساقين الله يستر كم حوادث حزينه علي جابر الفيفي - بيشة الظاهر إنه شايلٍ له بوالين أو ذا الذي لو تنطلق تاصل السقف حمله خفيف ومربحه فوق تسعين مرابحه تسعين من كف في كف سعود بن عبدالعزيز الهزاع - نعام ياللي على السيكل تدوج البلد دوج وتبيع بالوناتٍ وتكسب مكاسب أحذر ترى ريح الخطر يشبه الموج يشعلك في دربه تركّد وحاسب خالد بن ناصر المخيمر - روضة سدير الرزق يا المخلوق يحتاج تسعى له شوف راع السيكل أكبر مثالي والعمل ما هو بعيبٍ باشكاله دام العمل حسب النظم مع حلالي سعود عائش الحربي - جدة الرزق عند الولي مضمون والله يرزق بايع البالون الكل في مهنته مفتون والسيكل وسايقه مدفون عبدالكريم عبدالرحمن السلوم - القرائن صورة العدد تصوير بثينة فارع نستقبل مشاركاتكم على إيميل الخزامى: [email protected] أو الفاكس رقم: 4871070 ونرحب بالصور الهادفة والطريفة
