صوت الصورة

يا شايل الحمل قل بالله
الناس مثلك يشيلونه
فعلك خطا والحبل حله
فكره خطيره ومجنونه
عبدالمحسن بن محمد الجريسي - الرياض
يأخذ قسيمه باقي الوقت تعليم
ظنه يوفر على الجيب عمله
حمله ثقيل مخالفٍ كل تنظيم
حتى الحزام ورابط فيه حمله
سعد الحماد - روضة سدير
ياما حلا الفزعات لاجاك شدّه
وان ضاقت الدنيا عليك وتكسفت
أدور الدنّه من أسبوع مدّه
يا زين فوردي يوم تفزع تنفست
عبدالكريم النغيمشي - الربيعية
الفرت روح وأشوف خلاف ثلاجه
الظاهر انه يبي الورشه تصلحها
والعبد رزقه على الخلاق مدراجه
مار انتبه للمهندس لايخربها
غازي قاعد العتيبي - الدوادمي
بيته أجار مطلعه راعي البيت
واللي حداه الموتر اللي يقله
يا خوف لامنك توهقت واقفيت
يطيح حملك وأنت طايح بعله
حمد بن عبدالله الوايلي
يا عزتي للي ما عنده عراوي
محمل فريزر فوق ظهر الصغيره
يمشي ولاندري على وين ناوي
والخوف لاينفك ويضر غيره
وائل عبدالله البلالي - الرياض
لكزس نعم واشيل كل الثقايل
صوّر وخل أهل الصحافه يشوفون
من حد صنعا لين اطراف حايل
شلت الفريزر لو ما هو بمضمون
محمد بن فهد الجعلود - سميراء
ودّك اللي يحمل العفش في الشنطة كذاه
يلقطه ساهر ويعطيه خمس مخالفات
لين كل مخالفٍ يدري بياخذ جزاه
احترام الأنظمة واضح وشيٍ ثبات
مبارك بن محمد بن طرجم -وادي الدواسر
شد الهوندا وزملها
فوق الشبك وانتبه منها
ترى الخطه يا محملها
واضح ولا حداً بضامنها
علي جابر الفيفي - بيشة
ضاع يومي وانا أدور على ورشه
سعرها معقول ودراهما قليله
الأسعار نار وكلٍ همه يزيد قرشه
ورفيق يتشرط علينا ما بيدنا حيله
سميرة سليمان العبرة - الرياض
مع شدة الصيف خربانه
ولا لقا من يحمّلها
سياره اصغيره وكحيانه
الله يستر فراملها
عبدالكريم عبدالرحمن السلوم - القرائن
صورة العدد