أحويراً شفته على الفرد مشيول ياليتهم حطوه وسط الغماره زوداً على هذا مع العنق مغيول زاد بحنينه يوم عدى الزياره عبدالله الرفيعي - البكيرية صوره غريبه جزلةٍ بالتفاصيل نسل السفاين في قفى فرد ينشال ولد الذلول اللي تجيب المراسيل ياعونة الله غاديٍ طرد مرسال سعد الحماد - روضة سدير هذي دبرت جليل الملك سبحانه ودورات الزمان ابزينه وشينه وكلٍ في البسيطة يسرج احصانه ولا طاح الجمل كثرت سكاكينه فراج بن محمد القرقاح ما هو مكانه شنطة الفرت يا صاح هذا بهيمه كيف يا فلان توديه وتبلى عباد الله بالخط لو طاح تحصل مصايب والسبب انت تجنيه محمد بن عبدالعزيز الخنيفير الحاشي اللي وسط شنطة كراون يلتمس عطف أهل القلوب الرحيمة يشكي من الجزار والحزن كاون تكفون روفوا به شهامه .. وشيمه فريد آل زولان الفيفي - بيشة يا محملٍ في شنطة الفرت مفورد إياك من زود الحموله تفقع مابه ونيتٍ ينقله وأنت محدود وإذامسكت الخط أمش وتوقّع سعود بن عبدالعزيز الهزاع - نعام يا حاشر المفرود في شنطة الفورد أرحم ترى دنيا الفضايل وسيعه الجو دافي كان خايف من البرد ليتك تبيعه كان ناوي تبيعه خالد بن ناصر المخيمر يا راعي الفرد الملون على وين ؟ مستيسراً في شنطة الفرد حاشي موتر خصوصي مايشيل الحمل زين ليته نقل لو كلفك نوط كاشي حمد بن عبدالله الوايلي يا راعي الفرد يا غلطان أرفق على أصغيَّرْ الحاشي متعود العشب والبران لكن مصيره بينحاشي عبدالكريم عبدالرحمن السلوم - القرائن أرفق على نفسك وغيرك من الناس هذي بهيمه والحذر لا تهينه أخطيت في فعلك ولا عندك احساس تمشي على كيفك بوسط المدينه ريان محمد الخنيفر صورة العدد
