النقل بالماضي على البل والخيل واليوم عصر التقنية ماله حدود في جلسة الشنطة هواية وتمثيل تمسك خطام اللي تنحى عن الذود علي رشيد الرشيد - رياض الخبراء ياعيشةٍ قشرى يعيش الملايين وسط الغمارة ما لقاله مكاني مستعجلٍ يبغى ديار البعيدين ورضيت بالشنطة عليها حداني عبدالله بن عبود السهلي – تبوك جينا من البنجاب ناوين نية نبي المزاين والجوايز نبيها مملوك لا مكري ولا هو لقيه مزيون نادر ما لوصفه شبيها بندر ظافر العمري- الرياض ماهو كذا ينقاد راعي الجمايل سفينة الصحراء على الهون تنقاد راعي الجلد والصبر وقت الصمايل في خوّة الشجعان بانين الأمجاد سعد الحماد - روضة سدير ما تاخذ الشنطة من الزمل والذود الا لنا ووقت اللوازم ركبنا نمشي وحبل من الرسن منه ممدود يحيد عنا لين نأصل هدفنا سالم معزي الفهيقي - تيماء اثنين والثالث على الموتر يسوق قادوا جملهم سايرين بطريقه صديق ما قدر ولا عندهم ذوق خطر عليه من الحوادث تعيقه مخالفات واصلة حدها فوق يا ليت ساهر يضبطه في طريقه حمد عبدالله الوايلي - حوطة سدير للجمل ما معهم اللي يشيله تصرفوا حسب ما تظهر الصورة يبون ببيعه ثم قبضة حصيله او لقطةٍ من فيلم يجرون تمثيله سعود عائش الحربي - القاهرة يا حنتي حنت المخطوم رفقان بالشارع يتلونه الحي ماله عن المقسوم يا ليت ربعي يشوفونه عبدالكريم عبدالرحمن السلوم اترك الذلول واطلق له رسنها خلها ياغلام تسرح بالمراعي مانت راعي له ترى فعلك محنها انت ماسنعتها لو انت راعي فك قيده والبلد ما هو سكنها خلها وفجوج خالقها وساعي عبدالعزيز العنزي - بريدة لو كنت راكب في ظهر ذي المطية وكلفت واحد من ذي الاثنين سواق وخليت واحد قاعد بكامريه يتابع مسيرك ومعطي الناقه طراق ان كان أسرع من شبوب برديه واخف من طيراً مع الجو خفاق سعود بن عبدالعزيز الهزاع – نعام صديق وش علمك تقود المطية اتعبتها وانتا متكي ومرتاح لو شافها الراعي تقوم الحمية ويجيك من فوق الزعل هوش وصياح اطلق حبلها تدوج وسط البرية ترعى من أنواع الشجر زهر فواح خالد بن ناصر المخيمر - روضة سدير صوره طريفة شفتها بالخزامى البل تحب تسير بأرضٍ وسيعة سفينة الصحراء عصوراً قدامى واليوم في وسط المدينة مطيعة بشائر القحطاني صورة العدد السابق نستقبل مشاركاتكم على إيميل الخزامى : [email protected] أو الفاكس رقم: 4871070 ونرحب بالصور الهادفة والطريفة
