الفرت وارد عام ستة وستين بديه خشب في نجد سموه حمّال من قبل نولد قالوا الناس بسنين ياما نقل ركاب في نجد واجتال فهد بن عقيل الطويان - بريدة الا بلكاش اللي مجهّز بلا عوق فوقه شبابٍ شجعوا عصر الأجداد مفتوح بابه واقفٍ بأول السوق ركابه اللي ينتظرهم بميعاد علي رشيد الرشيد – رياض الخبراء سله بكروه .. والمعازيب قدام والدرب كايد .. والمحطات ما فيه الله اكبر في تصاريف الايام مواترٍ صارت مع الناس ترفيه سعد الحماد - روضة سدير الموتر اللي دين ماينشرى كاش يمشي على دربٍ وعر بالصحاري وسط النفود يحن له صوت لاشاش ومعاونه جاهز لوقت الطواري عبدالكريم إبراهيم بن خزيّم - البكيرية يوم الطفولة دايم الفكر سالي نضحك .. ونلعب .. والسعاده مقيمه أبقى على الذكرى وهي رأس مالي وياعز حالي من قديمه نديمه أحمد عائض الشراري - القريات الفرت جاهز يبي ركاب وين الطواريق يملونه ؟ شف سايقه واقفٍ بالباب عجّل قبل ما يصكونه عبد المحسن بن محمد الجريسي – الرياض أشوف بالصوره سيارة مكدّه مشهورةٍ في اسمها بالبلاكاش يوم الفروت بوقتها منهو قدّه أغلى المواتر سبع وستين بالكاش محمد صالح الأطرش - رياض الخبراء جيلٍ مضى ذكرته الناس والجيل جيل اكتشاف الزيت قوت اللواري قبل ازدحام الطرق حتى آخر الليل والسرعة القصوى وصدح البواري عقاب بن سقيان العتيبي - الجمش ياسايق الباص لا تفتح لنا بابه وعيالك اللي على سلته نزلهم والمسجد اللي مقابلكم بمحرابه احذر يدحدر على من فيه يقتلهم حسين محمد القفيلي - نجران اللي على السلة ترى حقه ريال واللي مع السواق يدفع ريالين تسعيرتي بالحق والعدل يا رجال دايم بلا تغيير بالعسر واللين عبدالكريم النغيمشي – الربيعية آه يا عصراً مضى وأنت شغال واليوم حتى صورتك هي غريبه يا باص الدمع من حاجري سال يومٍ ذكرت أيامك اللي عجيبه حمد بن عبدالله الوايلي - حوطة سدير الموتر اسمه بساط الريح والاسم الآخر بلا كاشي على المكده معه تصريح يروح ويرجع على الماشي زبن مقبل العنزي - بريدة الله يا زمان مضى للهاف تشهد له اخطوط نجراني فرتٍ قديمٍ وشال اسلاف بالشبك ركاب.. واخواني عبدالكريم عبدالرحمن السلوم - القرائن يا السايق اللي تحتري زود ركاب على التوبيس اللي فقدنا وصوفه أرفق على الحمله صغيرين طلاب أشكالهم من لبس الطواقي معروفه خالد بن ناصر المخيمر - روضة سدير موتر مصندق والعمر فوق خمسين وفي سلته أطفال بلبسٍ قديمي نبي نسافر للحسا يم عينين ونبي نغني السامرين والهجيني محمد بن عبدالعزيز الخنيفر - أشيقر بالخير يا لله تذكر أيام راحت الا بلكاش أهم سيارةٍ فيها وشباب فوق السطح ركبت وارتاحت ولداخله سواق ركاب يدعيها سعود عائش الحربي - القاهرة يا شباب اللي على السله جلوس الحذر واجب ترى الطرقة طويله المويتر فرت والا ما الجموس وظني انه منتهي قاضٍ مديله مبارك محمد الضعاوين - وادي الدواسر بقس البلا كاش في عصره فتح خطوط اليمانيه مصممة صاحن فكره صمم بالارض العراقيه بدر بن خلف الحزيمي بخط البلد ركبوا شبابٍ على الشبك في وقتنا اسنانهم قد شيّاب والمعاوني فاتح لك الباب منصك يترزق الله يحتري زود ركاب سعود بن عبدالعزيز الهزاع - نعام نستقبل مشاركاتكم على إيميل الخزامى: [email protected] أو الفاكس رقم: 4871070 زاوية (صوت الصورة) ونرحب بالصور الهادفة والطريفة .. ويا هلا صورة العدد بعدسة الزميل محمد اليوسفي
