يامرحباً بالضيف لاجا مسير نستقبله بالطيب والهيل.. والزاد لسلومنا طول الدهر ما نتغير أوصى به المعصوم وارسوه الاجداد عبدالكريم النغيمشي - الربيعية بالخزامى شفت لي صوره فريده ذكرتني بالسنين الماضياتي شفت هجناً صوروها بالجريده كاملات اوصافهن ومكملاتي عقلا خزن العنزي - تبوك ياليتني عايش على الوقت الأول يوم النفوس بخير والحال سمحه بيت مروبع والركايب تعقل وصدورنا مع جلسة الربع شرحه ابراهيم بن راشد السبيعي - الرياض الطيب في خوة هل البر والكيف واجلي عمس راسي بفنحال قهوة ومقابل الشجعان يجلي الصواديف والنذل ما له بيننا اليوم حروه محمد بن فهد الجلعود - مدينة سميراء يازين شوف النظا زيناه سفينة البر معروفه كم واحدا ابعدت ممساه زهابها يعجب بشوفه شبيب بن حمود القحطاني - المزاحمية منزال في حد الجبال النوايف وارجال يسمعهم خيالك يهلون صورة زهتها موميات السّفايف اللي عليها هالمسايير يلفون عبدالعزيز بن عبدالله البواردي - شقراء الباديه بالقيض تنزل ف البياح وفي مطيح الضلع لاهب البراد مكرمين الضيف ووجيهن سماح ومحتمين الجار لا ثار الزناد صالح عبدالعزيز السويح - روضة سدير بيت الشعر يزهى النشامى وتزهاه جلسة نشامى والسوالف نظيفه وفنجال كيف صاحب الكيف سواه ساقه كرم لاهل النفوس العفيفه جلعود لافي الشمري - حائل شوف الكرم والضيافه شوف لا صرت بارض السعوديه محلا الركايب عليها أضيوف لا نوخو عند سبيّه عبدالكريم عبدالرحمن السلوم - القرائن عيال الفهود مخاوين الذيابه حطو على قفر طويل النوايق صفو جميع كل أبوهم قرابه وصبو لهم زل من البن كايف حمد عبدالله الوايلي - حوطة سدير بيت الشعر مرتع الجود ومر به وزحول بالوصف ما لها أية مثيله هيه يامجلس كل النشاما تحبه لجل فنجال البن مع كل القبيله مسفر تميم المسردي - جاش ياما حلا جلسات ربع جماميل والكل منهم للمواجيب رجال تطرب رحايلهم بصوت المعاميل وتحلى السوالف كل ما دار فنجال سعد الحماد - روضة سدير يامسندي ياعبيد ياطيب الفال أسقوني من الكيف شين يبدى لنا ثمان ايام شديدن وترحال والحال من طوال المسافة تردى فليح بن حسين الفهيدي - قصيباء في وادي الأردن يعرفونه برم جيش وجبل وإرجال وإدلال وإبيوت بوقت مضى دونه زمان تصرم من عاش به يامعدن الجود مبخوت فهد بن عقيل الطويان - بريدة ياماحلا يا بكر سوق الفناجيل على الرجال أهل الوفاء والحميه الجيش وقف بين كل المشاكيل عجلين كل ماسك له مطيه فهد أحمد البهلال - الزلفي قوافل عقيل يوم الشح في الديره الشام مدها لها تشري وتبتاعي الطن ثلثه يحطه حملة بعيره عيش وتامر قسَّمه بوزنه وصاعي سعود بن عبدالعزيز الهزاع - نعام جلسة نشاما بعد طول المسافات فيها الدلال مسطره وأزرق العود كلن يجر السالفه والروايات سوالف الأبطال والفعل محمود خالد بن ناصر المخيمر - روضة سدير البن يحمس والركايب وقوفي كيف النشامى إذا استوى يشربونه يصلح لابن هذال شوق الهنوفي رجلا جميع ربوعنا يشكرونه زبن مقبل العنزي - بريدة نرحب بمشاركاتكم الشعرية حتى مساء الاثنين على الفاكس رقم 4871070أو الإيميل الخاص بصفحة الخزامى [email protected]
