منظر جميلٍ يعجب اللي يشوفه خضره وما ومزون فوقه مطلّه

السيل وضفافه تزينها الأشجار
بلسمٍ للعين والقلب يا سعود
وكبد السما بها السحب غيث وأمطار
ووقتٍ بها ما هو من العمر معدود
عسى مراويح المزن ليل ونهار
على ديار الدين.. والعزّ.. والجود
‫سعود عائش الحربي - جدة
السيل حاير في بطن وادي
والشجر مع جوّه في غيومه
والخضار مبينٍ طلعه وزادي
يا بدر وين المكان وين يومه
جهز العدّة وخل عنك الرقادي
فوق جيبٍ ما يباع بزود سومه
وسّع الخاطر والصيف حادي
قبل ما يرمي على الدار بسمومه
حمد عبدالله الوايلي - حوطة سدير
منظر جميلٍ يعجب اللي يشوفه
خضره وما ومزون فوقه مطلّه
عليه رب الكون مرخي قنوفه
ما يغيب عنه الخير دايم يهلّه
علاج مخلوقٍ عصيبه ظروفه
من هم شيّن خافين ما حصلّه
سعود ثواب المطيري - القصيم
شجرة مايله على جال الشعيب
حيّ والله يا عرب من زارها
ف ارضٍ خلا ما بها الا صوت ذيب
والنفل والخزامى فايحه ازهارها
يسر عينك المكشات لو انك غريب
ومعك ناس من الطنخ تفك ازرارها
ياما حلا جلسة الشاهي من قبل المغيب
تعيش لذّة العمر وتنسى افكارها
خالد بن ناصر المخيمر - روضة سدير
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد