هذا الحطب فوقه بريقٍ بترتيب النّار تحته والحطب صار مركاه

خدر الشاهي واضبط الكيف يا صاح
خل الحطب من تحته مثل النثيله
دام الابريق توه جديد ولا فاح
والراس شايش وده يبرد غليله
زود له السكر وخله على الراح
وللمسيّر صوّت أكسب جميله
هذي افعال اللي له القلب يرتاح
نشمي ومن نسل كرام ماهي بخيله
خالد بن ناصر المخيمر - روضة سدير
صفّت حطب مثل شكل الهرم
وبريق في عاليه مركب على ميل
والنّار مشبوبه من طبع الكرم
تاكل في عرض الحطب والعه حيل
بالك يزل ويندرق يبرم برم
ثم تفقد الطبخه بعد جهز الكيل
حمد عبدالله الوايلي - حوطة سدير
سلِّم على اللي يعشق أندر اللقطات
وشِف نار كِشَّاتٍ وكفتيره عليها
وبذا الخلا يا مزين الكشتات
كِلِّش جميلٍ مِنْ هوا ونبت فيها
وليا غلت كفتيرة المكشات
يا زين بريه دوا من يِحتريها
سعود عائش الحربي - جدة
أبا اجتهد بالوصف والوصف تقريب
في صفحة خزامى مع الشعر نلقاه
هذا الحطب فوقه بريقٍ بترتيب
النّار تحته والحطب صار مركاه
سليمان بن عبدالعزيز السنيدي - الرياض
نرحب بمشاركاتكم الشِّعرية،
وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد