لعل رمعتنا تجي حول ديره هذا رقم هيكل وبابه يسارا

كتب لغز الاسبوع الشاعر : منير مذكر متعب العضياني ويقول :
ياويش ورعن مايشابه لغيره
ايميز امه عن جميع العذارا
على ايسر امه دوم لكشف السريره
ذي مهنته فاكبارها والصغارا
وتوصل للحل من الشعراء :
يا منير لغزك صابنا فيه حيره
ما بين رقمين وصارت تبارا
لعل رمعتنا تجي حول ديره
هذا رقم هيكل وبابه يسارا
علي الرشيد - رياض الخبراء
يالله ياعلام مافي السريره
ياخالق الليل العمى والنهارا
تجعل لنا يارب خير وخيره
يارب يارحمن سر وجهارا
واللغز شاقن حبكته وتعبيره
والحل هيكل موترك من يسارا
عبدالله زبن الاسلمي - حفر الباطن
لغزك عرفته ياكريم العشيره
رغم انه اتعبني بهاك النهارا
هذاك رقم الهيكل ولاش غيره
فالموتر بجنبه او الاستمارا
عبدالله عبدالهادي القحطاني - الرياض
سلام ياصفحة خزامى الشهيره
ومحررينك نعم هاك الحرارا
واللغز حله ياعزيز العشيره
هيكل ورقمه في يسار الغمارا
محمد متعب الجماش - حايل
جانا المطر والله حبانا بخيره
والليل زان وزان جو السهارا
وحليت به لغز رموعه كثيره
لاشك رقم الهيكل اقرب شعارا
خالد ابراهيم المرشود - الرياض
اللغزحددنا نهايةمصيره
رميت هدف ومحققه بالعيارا
وكان اخطته يامنير فالامرخيره
وبكل موتر رقم هيكل شعارا
بكل المواتر من صغيروكبيره
وبالاستماره تاجده بختصارا
محمد بن ناهس العتيبي - الرياض
لغزٍ جميل إبْحرفنه مِعْ بصيره
والكل يامنير بحله تِبارا
الرقم للهيكل بصنعة خبيره
عن سايق الموتر تشوفه يسارا
سعود عائش الحربي - جده
لغز الاسبوع
كتب لغز الاسبوع الشاعر : عبدالله عبدالهادي القحطاني من الرياض ويقول :
لغز نبي حله من العارفيني
واللي مايسبح بالبحر لا يطبه
ياويش رجل تمسكه باليميني
من عقب ماهو عايش وسط خبه
في مامضى ضرورة يالفطيني
ولا ظنتي يدفيك لا جاء مهبه
اول وثاني حرف بالبيضتيني
وثالث وخامس كلنا مانحبه