اللغز

كان لغز الاسبوع الماضي احمد بن ناصر المحرج والذي يقول:
انشدك عن رجلين متشابهيني
واحد طويل وواحد اقصر شويه
الاول دايم معك دوره مكيني
والثاني دوره ناقص عن خويه
يجيهم وقت فعلهم مايبيني
وافعالهم فاوقات تصبح قويه
وقد توصل للحل شعراً:
يا مرحباً واللغز وافي سميني
من شاعرٍ معروف صافي الطوية
جيتك أشارك والغلا محتويني
وعسى جوابي واضح فالهويه
النور والع والخوي عن يميني
ذيبٍ تربى في جبال الحوية
متعب الغنام - الرياض
تنشد عن اللغز القوي يالفطيني
وابشر بحل أسرع من البرقيه
الحين اشوفه شوف قدام عيني
عالي واطي والقصد ياكريم السجيه
نور السيارة يقدي السارييني
وبالصبح طفه دامت الشمس حيه
مدعث عيد العبيدي - الرين
الغانم اللي شوق الغانميني
لغزه لهل كيف الشعر شاذليه
حله تراه النور وهو ثنيني
عالي و واطي والاسم هو سميه
زايد مثيب السهلي
الحل قلنا النور ياطيبني
مثل الخوي الي يكفي خويه
توه وكاله صح موزون زيني
مالخبطو تركيبه السمكريه
سعد صنهات السهلي الدرعيه
ياللي طرحت اللغز لغزك ثميني
والنور حل اللغز ميه بميه
ولا كبست النور فعله يبيني
مع السريع او سهلة جرهديه
حبيب الشامي - البدائع
اهلا يابو ناصر سلام متيني
اللغز اعجبني بيوته قوية
الحل انوار يسار ويميني
في مقدم الموتر رواح ومجية
طلال الرشيد - الجبيل
المحرج احرجني ولغزه ثميني
في موتري نورين كله قويه
عالي وواطي في يسار ويميني
ياصلك حله بالخزامى الوفيه
محمد ابو دحيم - البدائع
يااحمد المحرج كلامك ثميني
والغازك اللي ينشرونه قويه
الحل نور بالليالي يبيني
عالي وواطي بالمواتر سويه
علي رشيد الرشيد - رياض الخبراء
يامرحبا باللي كلامه ثميني
اللي طرح لغزه وجابه هديه
واللغز حله نور موتر يبيني
مابين عالي وآخر أوطى شويه
لازان مسرى الليل يافاهميني
هذا دليلك في ليال أعتميه
غازي سهيان الحبردي - البكيرية