تعبت أحاول فيه وأفكاري تدور فيوز وآخر شي جاء فيه سنّا

لغز الأسبوع الماضي كتبه الشاعر خالد بن إبراهيم المرشود من الرياض والذي يقول:
أنشدك عن رجل صغير ومحشور
ومكتف العضدين منا ومنا
في مهنة التوصيل يالربع له دور
وأحيان يدفع بعض الاخطار عنا
اول وثاني حرف بالجر مذكور
وثالث ورابع حرف طير معنّى
هاتو جواب الغطو ياللي لكم شور
رمعة فهيم ألغاز ماهو بظنا
ورغم صعوبة اللغز إلا أن هناك قناصين
لا يعجزهم أي لغز إن كان لغزاً وارداً:
يا مرحبا والبال رايق ومسرور
بالشاعر المبدع عريب المجنا
هذا فيوز يحتمل شدة النور
فعله عظيم ويبعد الشر عنا
عبدالله السياري - القصيم
سلام يا خالد وبالخير مذكور
واغلى تحية للخزامى تثنا
الحل تراه فيوز للكل مخبور
قايم على التوصيل ما فيه منا
علي الرشيد - رياض الخبراء
ياخالد المرشود بالخير مذكور
يابادع لغزه بفكر وفنا
تعبت أحاول فيه وأفكاري تدور
فيوز واخر شي جاء فيه سنّا
ناصر سويلم العنزي - تبوك
يا مرحبا في شاعر خط بسطور
واللغز جابه للنشاما وغنا
واخذت يوم اديره افكار وشعور
وطلع فيوز الكهربا يوم ونّا
بشير سعود بن رمال - حايل
حييت يالشاعر على اللغز مشكور
لغز جميل وفيه فكر وفنا
والله هداني حله بساع وييسور
وحله فيوز صح ما هو بظنا
عبطان السويدي - الرياض
لغز الأسبوع
كتب لغز الأسبوع الشاعر: منير مذكر متعب العضياني ويقول:
يا ويش ورعن ما يشابه لغيره
ايميز أمه عن جميع العذارا
على ايسر امه دوم لكشف السريره
ذي مهنته فاكبارها والصغارا
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com