كتب لغز السابق الشاعر محمد عبدالله الشهري من جبل اثرب والذي يقول: من الذي يحكم بلا سمع و إبصار و لا لسانن ينطق الهرج لِلّه وكانت الرمعات الصحيحة للغز: أخذت لي ساعه ونا أدير الافكار بلغزن طرا لي عدة أشياء بحله هذا هو الميزان يانسل الاخيار في حكمه الانصاف دقه وجله منير بن مذكر متعب العضياني قريت لغزك وأرسل الحل باسطار لعلي أجد بالمراميع حله حله هو الميزان يوصف بالاذكار يحكم بحق ولا يجي فيه خله علي الرشيد - رياض الخبراء ا مرحبا يا راعي اثرب وبختار واختار حل اللغز واعطيك حله لا صرت بالدكان تجمع وتختار لغزك ترا ميزان كلن يدله محمد بن عبد الرحمن ابو دحيم - البدائع اهلا عدد ما طاف بالبيت زوار واللغز دونك عاجل صدق حله هذا هو الميزان يا واف الاشبار يحكم بعدل ولا يجي فيه خله صالح ابراهيم المرشود - الرياض اللغز فكرنا به صغار وكبار ولقيت حله وارسله للمجله ميزان له شرع وحكم ومقدار والحمد لله في عجل جبت حله فرحان مونس الجدي - الرياض ياللي كتبت اللغز لفيت الانظار وخذ من خبير الغاز يالقرم حله ميزان يفصل بين شاري وتجار والكل حكمه مرض الناس كله علي برجس المصقر الجعفري - الرياض هذا هو الميزان في كل تجار وراعي التجاره دايمن في محله يحكم بعدلن له مكانه ومقدار ماهو يعرف الغش وكلن يجله مكانته معروفة عند الاخيار وهذا جوابه جاكم اليوم حله محمد بن عبد العزبز الخنيفر - أشيقر اللغز يا محمد بِه البعض يحتار يالله عسى لي رمعةٍ صح حلِّه الحل ميزان في كل الاقطار يطاع في حكمه وكل يجله سعود عائش الحربي - جدة ميزان حل اللغز يا واف الاشبار لو كان يا محمد بيتن نحله سعود بن ثواب سليم المطيري «لغز الأسبوع» كتب لغز الأسبوع القادم الشاعر سعد صنهات السهلي من الدرعية ويقول: انشدك عن ثنتين فى موقعاً زين ماهن حلو وأحيان ماهن هماجي ماهن نظيف ولا بعد ناشه الطين هو يختلف مع اختلاف المزاجي نستقبل الرمعات والحلول خلال أربعة أيام من نشر اللغز على الإيميل: [email protected]
