النوم حل اللغز لو ما نشوفه لا حل بالرجال ما هوب ينشاف

كان لغز الخزامى الأسبوع الماضي من طرح الشاعر سعد صنهات السهلي من الدرعية والذي يقول:
انشدك عن رجلن يجى ما تشوفه
ومنك يروح وقلت مهوب ينشاف
رجلن غريب وكايداتن وصوفه
ثنتين بمر الله له افراش والحاف
وكانت الرمعات الصحيحة:
سعد كتب لغزن جزيله حروفه
عساه يسلم ما يجي راسه خلاف
والنوم يامشكاي صعبن وصوفه
لا جاك يرمي بك لونك بمشراف
* منير بن مذكر متعب العضياني
يا مرحبا باللغز والحل احوفه
والشاعر البيطار للحل عراف
النوم قصدك يوم بانت وصوفه
وإذا جفاك النوم جاء فيك رجاف
* عيد فريح الفاران - جبه
أنا عرفت اللغز وافهم حروفه
كفو نقوله يوم صوبت الأهداف
النوم حله والسهر به كلوفة
لا بد تخضع له الى مرك اوضاف
* علي الرشيد - رياض الخبراء
النوم حل اللغز لو ما نشوفه
لاحل بالرجال ما هوب ينشاف
لو ما يجيك النوم شفت الكلوفه
احيان لك راحه و مرات ينعاف
* محمد بن عبدالرحمن أبو دحيم - البدائع
اللغز يا صنهات هاذي وصوفه
شيء يجيك و يدخل العين مايشاف
ياصلك حل اللغز مابه كلوفه
واليا غشاك (النوم ) جهز لك لحاف
* خليف فهيد المرواني - الرياض
النوم نعمه لا حضر مانشوفه
والامر لله منزل الكهف واعراف
ربي الهي مزبني عن صدوفه
سبحان من في امره النُّون والكاف
* صالح البشري - الرياض
للكل رمعه حسْب فكره وشوفه
ولك التحيه يا سعد باوَّل القاف
اللغز نومٍ سِعْد عين تحوفه
وتشقى العيون اللي لها النوم ما ضَاف
* سعود عائش الحربي - جدة
اللغز واضح يوم بانت حروفه
وحله وكيد بيرمعه كل عراف
هذا لذيذ النوم وهذي وصوفه
نعمة من المولى على كل متعاف
* عبدالرحمن بن فهد السويس - الرياض
«لغز الأسبوع»
كتبه للصفحة الشاعر محمد عبدالله الشهري من جبل اثرب ويقول:
من الذي يحكم بلا سمع وإبصار
ولا لسانن ينطق الهرج ل الله
نستقبل الرمعات والحلول خلال
أربعة أيام من نشر اللغز على الإيميل:
rb-khozama@alriyadh.com