اللغز حله سهل واقفى زمانه قراد ينقلب حلمه يشرب سموم

كان كاتب لغز الأسبوع الماضي الشاعر خليف فهيد الحربي من الرياض والذي يقول:
يا ويش ورع لايذ في مكانه
يشرب ولا ياكل من الزاد محروم
يكبر مع الأيام عايش زمانه
ثم يتحول بنت شوم على شوم
وقد توصل للحل الصحيح:
هذا جواب اللغز واسمع بيانه
لازم أشارك بالاجابات ملزوم
أقراد يشرب من دم النوق شانه
ولا يذوق الزاد والعلم معلوم
على الرشيد - رياض الخبراء
يا مرحبا يا خليف وكلن مكانه
عندي جواب اللغز والحل مفهوم
قراد بالخلفه ولا زمانه
يمتص دم الابل والزاد معدوم
محمد بن عبدالرحمن أبو دحيم - البدائع
يا مرحبا ترحيبة في مكانه
ترحيبة السهران لا قابل النوم
واللغز حله سهل واقفى زمانه
قراد ينقلب حلمه يشرب سموم
عبدالعزيز سالم العيسى - الكويت
هذا القراد اللي خفين لسانه
منه الجمل يفز من حالي النوم
ما ينضمن أقول ماله ضمانه
وإلا كبر صار حلمه جعله القوم
سعد صنهات السهلي - الدرعيه
أبجتهد بالحل يا رب الإعانه
يا خليف تسلم يا جعل عمرك يدوم
القراد الحل خذ مني بيانه
ومِن تطوره الحَلَم تاتي لزوم
سعود عائش الحربي - جدة
يا أبو فهيد عز الله إن لغزك تكانة
والحل ظني بين عندي ومعلوم
قراد تربع على الدم وزاد شانه
يوم انقلب حلمة وزاد سمه سموم
عبدالرحمن بن فهد السويس
يا خليف لغزك فيه فن ورزانه
بعطيك حله يا بيض الوجه مفهوم
هذا القراد اللي يا مأكثر خوانه
تلقاه فالابل والمراحين بالكوم
منير بن مذكر متعب العضياني
الحل دوك إياه يا خليف عانه
ذيك حلمه وقراد واللغز مفهوم
سعد فهد العتيبي - الطائف
اللغز جانا يالربع في أوانه
وحليت لغز خليف ما يلحقن لوم
هذا القراد اللي خفي مكانه
يصبح حلمة لا كبر سم وسموم
عيد فريح الفاران - حائل
ورمعة تحمل نفس الرمعة المقصودة من الشاعر ووزن وقافية أخرى:
جمعة الخير وعساه على الدوم
لغزكم سهل وما يبغى فهامة
قملة في الرأس ولها خرطوم
عيشتها الدم وما تترك علامة
ورعها الصيبان وحكها مجذوم
كفانا الله شرها ومنها السلامة
ياسر بن عبدالرحمن السويس
«لغز الأسبوع»
كتبه للصفحة الشاعر سعد صنهات السهلي من الدرعيه ويقول:
أنشدك عن رجلن يجى ما تشوفه
ومنك يروح وقلت مهوب ينشاف
رجلن غريب وكايداتن وصوفه
ثنتين بمر الله له افراش والحاف
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com