الجلسه اللي يوم جمع المصلين مابين خطبتين يا طيب الفال

كان لغز الأسبوع الماضي من طرح الشاعر الشاعر محمد البشري من رياض الخبراء
والذي يقول:
انشدك عن بنت(ن) تجي بين بنتين
واللي يجيب البنت ياناس رجال
البنت هي البنت منول وهالحين
والا الرجل ما يستمر كل الاجيال
ورغم صعوبة اللغز إلا أن هناك احترافيين في حلول الألغاز ودائما يتفردون في الحلول:
الله على هاللغز لغز الفهيمين
لغز جميل وصح لسانه بالامثال
جلسه ما بين الخطبتين وقل زين
والشكر لك وانا للألغاز حلال
خالد إبراهيم المرشود - الشعبة
اللغز حبكه يا هل المعرفه زين
شدن وجبت الحل يالربع بالحال
الجلسه اللي يوم جمع المصلين
مابين خطبتين ياطيب الفال
د صالح الجعفري - الرياض
يامحمد البشري هلا بك ملايين
يالشاعر البيطار في كل الاحوال
جلسة على المنبر وهي عمره اسنين
في خطبتين بينهن ما به اجدال
علي الرشيد - رياض الخبراء
يا مَرْحَبَا بِكْ عَدْ نَبْتِ الْبَسَاتِينْ
وَيَا مَرْحَبَا لَكْ عَدْ نَازِلْ وَرَحَّالْ
هَذَا الْخَطِيبْ وَجْلَسْتِه بَيْنْ ثِنْتَيْنْ
يَا طِيبْ طَرْقْ اللُّغْزْ مِنْ حَوْفْ رِجَّالْ
محمّد بن عبد الرحمن أبو دحيم – البدائع
لغز الأسبوع
كتبه للصفحة الشاعر: محمد بن عبدالرحمن أبو دحيم من البدائع القصيم ويقول:
لغزي تشوفه يرتعش بين ثنتين
تستقبله وحدةٍ والأخرى وداعي
يا ما جرى له طور من أول وهالحين
وإن قلت وضّح قلت ما فيه داعي
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com