اللغز نقبة وضعها الدوم مدْسُوس للصوت هو والنور منها وعنها

كان لغز الأسبوع الماضي من طرح الشاعر محمد بن عبدالرحمن أبو دحيم من البدائع ويقول:
سلامٍ مكمل بحبه على الروس
لاهل الخزامى اللي تغيبت عنها
أنّشدك عن بنيه صغيره جت بقوس
قوسٍ بصدر العود لابد منها
تِدخِل وتِطِلع نور واللغز مدروس
تنفع قرايبها وقفا زمنها
ونظرا لصعوبة اللغز فلم يتوصل للحل سوى:
خبره وتوفيقٍ ترى يِنْطِلق مِنها
واللغز نقبة وضعها الدوم مدْسُوس
للصوت هو والنور منها وعنها
بِكشَّاف ما يصلح بِه الأمر عنها
سعود عائش الحربي- جده
نبي نجيب الحل من دون من حوس
والبنت في بيتين ننبيك عنها
فتحة تجي بجدار والعلم محسوس
ويقال (نقبه) بالخزامى علنها
صالح عبدالله الزرير التميمي - الرس
ارسل سلام عد الأشجار وطعوس
لابو ادحيم اللي مجود رسنها
والحل فتحة بالمحاريب للروس
تدخل لها نور خذ العلم منها
علي الرشيد - رياض الخبراء
اهلاهلابك عدمادك هاجوس
واعداد من داج وبرضه سكنها
واللغز وقته راح واليوم مانوس
فتحة لسمع الصوت يسحب رسنها
منول تشعل على شكل فانوس
تنير دربك لاتقل وش ثمنها
حمد عبدالله الوايلي - حوطة سدير
لغز الأسبوع
كتب لغز الاسبوع الشاعر علي الرشيد من رياض الخبراء والذي يقول :
ياويش بنت لها اخوات ثنتين
أخبارها مجهولة مالها إثبات
. تمر على الإنسان ويعيشها اسنين.
يما يمر ابعز ولا إهانات.
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com