كان كاتب اللغز الماضي للشاعر علي المشيعلي من الحناكيه ويقول: ياويش عودن فالعمر فوق خمسين قبل وجوده كان يجهل ومدسوس وله موقف حاسم مضى له براهين علمه وصل للغرب والصين والروس وقد توصل للحل شعرا: (النفط) له في باطن الأرض تكوين مجهول في الماضي وهلحين محسوس جرت له أزمه في ثلاثه وسبعين هزت مخاطرها الولايات والروس عبداللطيف الحُميَّانِي - عنيزة يا علي دوك الحل هالحين هالحين من شاعر ما حوس القافيه حوس النفط حله يا حفيد الكريمين واطلب عسى حلي صحيح ومدروس احمد بن ناصر المحرج - الرياض يا علي لغزك حاكمه بين حرفين من اولاً مدسوس واليوم ملموس قلنا هذى البترول كلف ملايين ماجاء بلاش الا بتفكير ودورس سعد صنهات السهلي - الدرعية قريت لغز بالجريدة على اين لغز مكمل بالقوافي ومدروس والحل بترول نتج بالملايين واصبح دعم للملكة شيء محسوس علي رشيد الرشيد - رياض الخبراء يا مرحبا ترحيبة للعزيزين اللي لهم في بحر الالغاز هاجوس اللغز حله ما يبي زود تبين تراه بترول بالابار محسوس طلال الرشيد - الجبيل صفحة خزامى يعشقونه ملايين فيها رجال وفعلهم صار ملموس يستقبلون الحل ما قيل بعدين الحل نفط وكان بالارض مدسوس محمد ابو دحيم - البدائع يا مرحبا ترحيبة ضمن بيتين والحل واضح بالمشاهد وملموس واهل الخزامي بالمواصل وفيين بترول حله ياصل الغرب والروس فالح غازي الحربي - رياض الخبراء ابشر بحل اللغز هالحين هالحين النفط يظهر من تحت رمل وطعوس يوم الملك فيصل وقف مع فلسطين وطى على خشم الامريكان والروس عبدالله سعد العنزي - بريدة شف المساجد تزدحم بالمصلين هذا سبب للرزق والأمن ملموس ياعلي حط النفط من بين قوسين قبل اكتشافه كان ماعندنا فلوس شلاش بن بلال العنزي - الرياض لغز الأسبوع يكتبه هذا اليوم الشاعر صلاح بن عبدالله اليابس من الدمام ويقول: ويش الفتاة اللي على رأس رجال أحيان وأحياناً تجي حدر رجليه هي بالمساء تظهر على كل الأحوال والصبح إلا من بان ماتنوجد فيه نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.
