الحل فنجال وصل بين كفين لا قال بس وسلمه للوداعي

كتب لغز الأسبوع الماضي للصفحة الشاعر محمد بن عبدالرحمن أبودحيم من البدايع والذي يقول:
لغزي تشوفه يرتعش بين ثنتين
تستقبله وحده والأخرى وداعي
ياما جرى له طور ماضي وهالحين
وإن قلت وضّحْ قلت ما فيه داعي
ومع كثرة الحلول إلا أنه لم يتوصل للحل الصحيح سوى:
الحل فنجال وصل بين كفين
لا قال بس وسلمه للوداعي
على الرشيد - رياض الخبراء
يا حي لغز وارد للفهيهين
واظن حله ما عن الفكر ضاعي
والحل فنجال الكرم بين صبعين
له منزله بانحا الجزيره يذاعي
د. صالح محيسن الجعفري - الرياض
قل للعريني يا عسى عمرك سنين
اللغز وارد يا طويل الذراعي
الحل فنجال (ن) ترا بين ثنتين
ذي رمعتي وكان مضن ضاعي
سعد صنهات السهلي - الدرعية
يابو دحيم اللغز حله على العين
ما تذكره معروف وحنا سماعي
هذا هو الفنجال يابن الكريمين
واللغز وارد ياطويل الذراعي
محمد بن عبدالعزيز الخنيفر - أشيقر
لغز الأسبوع
كتبه الشاعر سعد صنهات السهلي من الدرعية ويقول:
وش هي الي عكس الاشياء ترى هذا وكاد
فيه شي ينفع الكل وهى يضرها
تنوجد فالبر وأيضاً تراها فالبلاد
فيه منها فايده والحذر من شرها
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com