موروث غالي ما تغيّر بالازمان والحل شاشه رمعة ما تزله

اللغز السابق كتبه للصفحة الشاعر نواف هايف الجبرين من الرياض ويقول :
انشدك عن بنت تقابل لها انسان
يملها وهي ياعرب ماتمله
اول مع الثاني مع الثالث ا يبان
حول الجروح اللي بالاطراف كله
بنت تجيب اخبار من كل الاركان
واللغز ماهو صعب كل يحله
عيدكم مبارك وعيدنا اليوم ازدان
بنجاح خطة الحج والحمدلله
الشاشة الحل وماظنتي غلطان
احب قنوات وطنا وغيرها أملّه
محمد السعيد- جلاجل
سلام يا نواف من قلب مليان
لعل رمعتنا صواب تدله
الحل شاشة ذا جوابي ابرهان
عسى جوابي وارد في محلة
علي الرشيد - رياض الخبراء
يا اللي تجيب ألغاز في نظم قيفان،
الحلّ أظنه واضح بْلا شْكلّه.
الشاشة اللي جابت اخبار واعلان،
كلٍّ يركّبها ترى في محلّه.
محمد مقحم المقحم-الرياض.
اللغز حبكة فكر تصوير فنان
والماهر الشاطر بفهمه يدله
موروث غالي ما تغيّر بالازمان
والحل شاشه رمعةً ما تزله
مقرن بن متعب الهرف - الرياض
حييت يالغزن مرتب ومليان
من شاعرن حبك المعاني هوى اله
ابشر بحل اللغز ياطير حوران
حلن صحيح ومثبتن باالادله
ترى الشاشه تصور الشي ويبان
وتنقل الواقع بدقه وجله
منير مذكر متعب العضياني
لغز الأسبوع
كتبه للصفحة الشاعر رجا بن عادي الرمال من الرياض ويقول :
يابوي خذ لغز جديد ومليان
ثم انشره ياوالدي بالجريده
ويش البنات اللي رفيعات بالشان
ويشكلن اسم لبنت مريده
اول وثاني حرف جحد ونكران
ورابع وثالث حرف حاجه سعيده
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com