حله شفاعة للحسنات نوماس الله يزود بالشفاعة حسابي

كتب لغز الأسبوع الماضي الشاعر علي مونس الجدي من الرياض والذي يقول:
انشدك عن بنت يحبونها الناس
موجودة حتى يقوم الحسابي
لاحتجتها ترسل لها كل عساس
هذاك حصلها وهذاك خابي
اول وثاني حرف بالعين مقياس
وان زدت ثالث حرف حد الهضابي
ورابع مع الثالث مع الثاني ايّاس
خلّا المرام وخاطره منه طابي
وكان الحل من الشعراء:
يا علي لي رمعه وعندي لها احساس
بعثتها ياخوي والكيف طابي
شفاعة بالدنيا ويوم يحشر الناس
ونقول مِن رب السما المستجابي
سعود عائش الحربي - جدة
يامرحبا يالقرم ياطيب الراس
بعد التحية جاك مني جوابي
حلة شفاعة يحبونها الناس
هذا يحصلها وهذاك خابي
عبدالله السياري - الرياض
يا بو مو نس جبت لغز على ساس
يوم ان قريت اللغز هذا جوابي
حله شفاعة للحسنات نوماس
الله يزود بالشفاعة حسابي
علي الرشيد - رياض الخبراء
هذي الشفاعة عند شخصٍ به احساس
اللي يحس بهول حجم المُصابي
اللي يجي له ما يعوّد بالافلاس
يرجع وهو لاقٍ جميل الجوابي
محمد مقحم المقحم-الرياض
يابادع لغزه على فن وقياس
جانا السؤال وجاك مني جوابي
ذيك الشفاعه والشفاعه لها ساس
اما بدنيانا ويوم الحسابي
نواف هايف الجبرين - الرياض
البارحة ماذقت نوم ولا نعاس
افكر بلغز لعزيز الجنابي
واقول هي شفاعة بوقت حساس
ومن ينفع الجواد يلقى ثوابي
عيسى الشلاحي - الرياض
وعلى قافية أخرى:
يا مرسل لغزك بصفحة شهيره
جمهورها واجد وكلٍ شراها
لغزك يبو مونس زان تعبيره
هي الشفاعة وكلٍ رجاها
«متعب السياري»
لغز الأسبوع
كتب لغز هذا الأسبوع الشاعر إبراهيم العجيمي من الرس والذي يقول:
انشدك عن جمع البنات العفيفات
هي كلمة وحده ومعنى لشيئين
في موترك يوم المواتر قديمات
وفي جسم كل انسان بالكون حيين
حروفها خمسه ولا ازيد وصفات
العلم هاته ياصعوط المجانين
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com