بالوتس خلّك رايق البال مبسوط حتى يجيك الرزق تلقى الزباين

في شنطة الموتر مريّح ومبسوط
في يده اليسرى ريموت وجوال
يتابع المقطع وتوقيف مضبوط
ما همته ناسٍ تعلق بالأقوال
جلنطه الظاهر مأمّن ومربوط
ولو تنشده عبر عن الحال بالحال
على الرشيد - رياض الخبراء
السائق اللي ينتظر طال انتظاره
واوجودي مسه اللي زاد حرّه
داخل الشنطه ولا هو في الغماره
صوره من صوره في يوم مرّه
وماسك الجوال والدنيا حضاره
يا بكر من شغله في وقت ضرّه
خلوا الرحمه على المسلم شعاره
عاملٍ مسكين في كره .. وفره
حمد عبدالله الوايلي - حوطة سدير
بالوتس خلّك رايق البال مبسوط
حتى يجيك الرزق تلقى الزباين
كدّاد والكدّاد يعمل بلا شروط
يترزق الله بين كل المداين
لوكان احياناً بالأخطار محيوط
مرات حظه شين.. مرات زاين
عبدالكريم بن خزيّم - البكيرية
الظل مطلب والسعد بالبروده
والجو حار وافهم البعد مطلوب
لا تترك المشوار والزين بالسوده
وسط الجنوب اللي به الجو مرغوب
وفي شنطة الموتر حذاري تعوده
هذا مكانٍ مخطرن غير محبوب
محمد عبدالعزيز الخنيفر - أشيقر
الله يخلِّي يا حمد شنطة الموتر
كم حَل زَنْقاتٍ وامورٍ يوفِّرها
والنت بالجوال مع خطٍ امْفَوتر
وموقف بلاش وحَجَّةْ البيت ننطرها
وكم وقت وريالات ضاعَنْ بالسِّنتَر
تعَدِّي وربك الحال يسترها
يا مشاهدٍ للرسم شاهده واخْتَر
ما يتفق وجهة نظر لك وفسرها
واحظر قلم ناشف ونوته او دفتر
بعض المواقف حقَّها انَّك تحررها
سعود عائش الحربي - جدة
ما شلت هم الجو والناس تجتال
تدور على البراد بكل الطرايق
كل من نظر لك يابن الاجواد يهتال
من الحر يشكي الضيم والصدر ضايق
خالد ناصر المخيمر - روضة سدير
دور مكانن يابن الاجواد مقبول
في موقعك مخطي واقول انت مخطور
هذي هي الدنيا وافهم العلم والقول
وربك يفرجها على الخير والنور
ريان محمد الخنيفر
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق