الحل رمانه بعكف المسامير ورمانه عند المزاع ضماني

اللغز الماضي كان تراثي يقول:
سميها بمعسكرات المسامير
تلعب به الطوعات حرد اليماني
والاسم الآخر عند حضر على بير
تلقاه ما يبعد عن البردهاني
ملاحظة:
معسكرات المسامير: أي الخيل
البردهاني: الماء
يظهر أن اللغز فيه صعوبة نوعا ما ولم يقم بالوصول للرمعة الصحيحة سوى ثلاثة شعراء:
رمانة بالخيل فوق المسامير
هذا جواب اللغز يومه لفاني
ورمانة الفلاح تشرب من البير
وبشكر المعبود لحله هداني
محمد بن عبد الرحمن أبودحيم - البدائع
الحل رمانه بعكف المسامير
ورمانه عند المزاع ضماني
ذي رمعتى وقول يالله عسى خير
لغز تراثى من قديم الزماني
سعد صنهات السهلي - الدرعية
لغز تراثي عندنا له مشاوير
لعل حله بالتفكر يباني
رمانة بيدين خيل بها خير
ووسط الفلاحه شفت رمان داني
على الرشيد - رياض الخبراء
«لغز الاسبوع»
كتبه للصفحة الشاعر خالد الحجي من الرياض ويقول:
وش بنيه بيد وحده بس تشله
وكل محصول ليا كمل يباع
والعجب النصف يكفي ما هو كله
لك ذراء واقي حقيقي بقتناع
هي ذراء المسكين يوم ندور ظله
لغزي واضح ولو ازود ما له داع..
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com