على الرحول ملوحٍ في ظهرها صفرا هديّة تقطع الدو في ساع

البيد والليل والبدو وقت عنوانه
عيش البساطه والصفا والجداره
فوق الشّداد وخرج بالخير مليانه
والبّْر بك يا ناقتي هانت أسفاره
رفيقتي بالعمر.. بالعين منصانه
وفيك الثمن لو زاد ما هو خساره
وأرخ الرّسن يا حمود ناقتك ضجرانه
وعن تلته يكفي ندا مع إشاره
والبّْر بك بالقلب يزداد ميزانه
عن جلسةٍ بالدار في وسط حاره
ويّا البدو نهج لطيّب عاده وغايه
وللدين مع طيّب الأخوة أماره
مشهد له القلب ويّا العين شفقانه
أحبّ أنا شوفته.. أحبّ أنا أخباره
سعود عائش الحربي - جدة
على المطيّه راكب وماسك شداد
وعينه على المسراح وقت الشروقي
تبي تعس الأرض يا شيخ الأجداد
تجيب العلوم اللي تسر الخفوقي
علوم الربيع اللي لها القلب نشّاد
يا حلو منظرها بروس العروقي
الله يمدك عمر تفخر بالأولاد
قروم العيال اللي ترد الحقوقي
خالد ناصر المخيمر - روضة سدير
على الرحول ملوّحٍ في ظهرها
صفرا هديّة تقطع الدو في ساع
لكن راعيها بيده قهرها
يبغى يريّحها وتبرك على القاع
لا صارت الناقة وسيع نحرها
هي منوة اللي للجميلات ينصاع
علي الرشيد - رياض الخبراء
يا عود راح الوقت وقت المظاهير
يوم الزمان اللي له العلم سيره
شد الرحول وجعل دربك مسافير
راع الذلول وخل عينك بصيره
وجود شدادك لا تجيك المعاسير
درهم وجوك خاليٍ من كديره
مع جرهد فيه الطعوس المزابير
يالله عسى فالك دروب مخيره
كسبت لك صوره عليها منابير
وابشر من الشعار بوح السريره
حمد عبدالله الوايلي - حوطة سدير
توكلنا على الله يالربع ثم ابتدا المشوار
نبي نمشي ليا المرباع باذن الله ناصينه
فوق المطيّه يا جماعة في جواً مع الاخيار
بروض يفتح انفوس يسر القلب من زينه
وبيوت الشَّعر نبنيها نخلي الدار لأهل الدار
تعوّدنا على حبّ البراري دوم هاوينه
عسى ربي يجيب السيل يملا الجو بالأمطار
نقول آمين يا ربي وفضلك دوم راجينه
محمد عبدالعزيز الخنيفر - أشيقر
يا فاطري ودين يم اشقر الراس
في ديرةٍ ماهي على الدرب قدام
تراجعي للخلف تراي منداس
شكيت بالوجهه لها سبعة أعوام
عبدالكريم النغيمشي - لوذة
شيخٍ كبيرٍ فوق ظهر المطيّه
يردّها عن درب يمكن به أخطار
يريد له مخضار برضٍ نديّه
أرضٍ بها يحلى السمر شبّة النار
بشائر القحطاني - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق