اللغز

كان لغز الاسبوع للشاعر سالم البشري من الجبيل ويقول:
اثنين متسامين يطرون بالخير
حرف صحيح وبعده اثنين عله
واحد منى من له شويهات وابعير
واما السمي وصف الحياوي بمحله
وقد تجاوزت رمعات اللغز 80 رمعة، ولم يصب في رمعته سوى:
اهلا هلا باعداد مارفرف الطير
باللغز واللي جاب له لغز فله
والحل جبته دون ادناة تأخير
حيا الرجل والعشب ما احدن يمله
احمد بن ناصر المحرج - الرياض
ياللي كتبت اللغز ومواصل السير
بإذن الولي لغزك ترانا نحله
واحد بالإيمان الحيا واحدن غير
والثاني المعروف نبت ندله
عبدالمحسن بن محمد المحيسن - رياض الخبراء
يا بو حبيب أهلاً وصبحك بالخير
علك جواد ما تجي فيك زله
اللغز حله ياصلك ضمن تقرير
هذا الحياء للشخص لازم يجله
والا الحياء بالبر زهر ونواوير
يزهي خضاره ما به أحد يمله
علي الرشيد - رياض الخبراء
هذا الحياء الله يصبحك بالخير
يالله عسى ماتشوف شر وعله
ياابو حبيب الله يجازيك بالخير
ياللي علومك دائمًا ما نمله
محمد بن عبدالرحمن - أبو دحيم - البدائع
لغز الأسبوع..
كتبه للصفحة الشاعر صالح المرشود من الرياض ويقول:
انا بنشدك عن عود قبل ستين عام صار
وبعد خمسين عام صاروا اخوانه كثيريني
حروفه ست الاول مع رديفه مدهل المحتار
وخامس حرف والسادس بنبرات المحبيني
نستقبل الحلول على البريد الإلكتروني
rb-khozama@alriyadh.com
وذلك خلال أربعة أيام من نشر اللغز..