صوت الصورة

النِّفُوس تْهيم في حبِّ الجمال
الطبيعه ولَّعَت ناسٍ كثِر
كم عشقها واحدِ وْشَّدِّ الرِّحال
ما اكترث من أجلها بداعي الخطر
طالعوا الصوره بها صْغَارِ وْرِجال
والْفَرَح في كل وجهٍ قد ظَهَر
ثوبٍ أبيض زيَّنِ اربوع الشمال
من ثلُوجٍ ساقها ربِّ البشر
لوحةٍ حلوه كما نسج الخيال
تأسِرِ الوجدان وِتْسِرِّ النظر
ناصر جمعان آل عوض - وادي الدواسر
مد النظر زلٍ على الأرض منشور
عشبٍ حمر شكله غريبٍ عن الغير
كساه ثلج واضح اللون منثور
والناس فيه مريحين على خير
يا زين لونه يا بكر وأنت مسرور
اللون ساطع مايز اللون تنوير
الله يفكه لا يجي صوبه الجور
والايجيه من المقاريد تبذير
حمد عبدالله الوايلي - حوطة سدير
البرد جانا ثلجت بعض الأوطان
شيٍ نشوفه واضحٍ في شماله
ترى الحذر مطلوب يالربع وأخوان
واللي علينا الغير يلزم وصاله
لا تتركون الغير في بذل الإحسان
تحتاج لبس وفزعةٍ في جزاله
محمد عبدالعزيز الخنيفر – أشيقر
بالضيف الأبيض ياهلا بك وحيّاك
زاد الفرح فينا وزاد النشاطي
جيت بتباشير المطر عشب ويّاك
كسيت الأرض بثلج مثل البلاطي
الناس فرحانه وتدعي وتنخاك
خلك معانا لو تعدى شباطي
الروح ردت والمكاشيت تنصاك
نبي الوناسه قبل تطوي البساطي
خالد ناصر المخيمر - روضة سدير
نزل عليهم ثلج في كشتة البر
فرشاتهم والزل غطى بياضه
شمال حد المملكه وخص عرعر
صالة تزلج من بغا له رياضه
يا رب عجل بالدفا مسّنا الضر
يذوب ثلج منه يملا فياضه
سعود عبدالعزيز الهزاع - نعام
تلاعبوا بالثلج يا هل القريات
قدام جاكم لاهب الصيف يا أخوان
تخيلوا كم فوق روس الجبالات
والا بشمال القطب كشته وسلوان
نحمدك ياللي رايفٍ بالبريات
يسّرت من فضلك لنا أصناف وألوان
برد وهواء وثلوج وأيضا مسافات
وأرضٍ بها مع لاهب الصيف رضوان
عبدالكريم النغيمشي – لوذة
الثلج جانا توال الليل
والصّبح بيّن لنا آفاقه
الناس تفرح بشوف السيل
والبر متعه لعشّاقه
عبدالكريم عبدالرحمن - القرائن
بردٍ شديدٍ واضحٍ بالبلادي
منها الضعيف اللي يبي اليوم عونه
خص الشمال اللي به اليوم زادي
واللي تمنى اللبس لا تتركونه
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
أو الفاكس رقم: 0114871070
ويا هلا..
صورة العدد السابق