صوت الصورة

الله يا زين شوف المطر
والبرق يبرق وهمالي
منظر طبيعي سلبنا النظر
شلال والمنحدر عالي
عبدالله عبود السهلي - الرياض
يا حظ من هو على الشلال
يشرب من الحلو مرتاحي
ووقت الغدا جلسة وظلال
وياكل من الخير لاطاحي
يا رب ترسل لنا همّال
يسعد هل الطنب ومراحي
عبدالكريم النغيمشي - لوذة
مكانكم خطر وخوفٍ تطيحون
شلالكم يا صاحبي ذا طبيعي
الليل جاكم وانزلوا لا تباتون
والمشكله وإن كان هذا صناعي
عبد المحسن محمد المحيسن
رياض الخبراء
يا عارضٍ نفسك للخطر والموت
حذراك لا تنهي حياتك بلحظات
قالوا ترى لا فات ما ينفع الصوت
مار انتبه لا تجيب لهلك مصيبات
بندر سليمان السحيم - تيماء
مع الجبال النايفات الشواهيق
ساروا جميع عازمين التسلق
يامعشر الشعار هاتوا الطواريق
عبر الحزامى لامن الكل علق
حمد عبدالله الوايلي - حوطة سدير
معذور من يهوى جمال الطبيعه
خصِّن إذا فيها اجتمع عدَّة اشياء
أشجار خضرا مع جبالٍ بديعه
مع منظر الغدران يجري بها الماء
لكن حذاري من عواقب مريعه
كم فرحةٍ عادت إلى حزن وبكاء
خلِّك بعيدٍ في الهضاب الرفيعه
السِّيل ما يعرف صديقٍ إذا جاء
ناصر جمعان آل عوض - وادي الدواسر
ياما حلى بالعين شوف الطبيعه
وانحدار المي من قمّة جبلها
ويا خوي خذلي صورةٍ حلوه سريعه
ذكرى للحظه كل وجداني قبلها
ومن الطبيعة شوف صورتها بديعه
وسووا طاقات كهرب تعمل سببها
سعود عائش الحربي - القاهرة
خذ دش من شلال سيل نظيفي
محدر من جبال على العشب ينساب
مصدر مطر والجو هادي لطيفي
فيه البرد من طيحته ما بعد ذاب
رحمة من الله لشيخ راكع نحيفي
وطفل رضيع والبهم تبي الاعشاب
سعود عبدالعزيز الهزاع - نعام
لا جا نهار السيل تفرح به الناس
ويزين شوف البر والخير جاري
لا جا نزوله به عزن ونوماس
وتحلى لنا الطلعات وسط البراري
محمد عبدالعزيز الخنيفر - أشيقر
عزّي لمن راحت حياته ضحيه
يجهل خطر موتٍ محقق بلحظات
ما يدري إنه مبتسم للمنيه
بحدر الجبال النايفات الخطيرات
نورة العنزي – تيماء
صورة العدد السابق
يا جبالنا اللي بالمناظر لها ذوق
يا شلالنا اللي صار صنع الطبيعه
يا سحرنا اللي بين عاشق ومعشوق
لا صار كل الحب حسب الشريعه
خالد بن ناصر المخيمر – روضة سدير
الوسم حل وفيه الأمطار تكثر
الله يعطينا بها الفصل الأمطار
ياما حلا الشعبان والجو يمطر
تسمع خرير الما كما صوت مزمار
يا من نوى الكشته أبيك تحذر
لا تزل الطامن ترى السيل غدار
عبدالله فهد الشريف - الدرعية
جنب عن الشلال حذرا وأنا أخوك
بعض التمازح عاقبتها وخيمه
وانته ولد وأمك تحبك مع أبوك
والله ينورلك دروبٍ سليمه
عبدالمجيد فايز العازمي - المجمعة
نستقبل مشاركاتكم على إيميل الخزامى
rb-khozama@alriyadh.com
أو الفاكس رقم: 4871070