رحنا وودعناك

في رثاء الشيخ عميش بن شنيبر الكسر العتيبي رحمه الله
نبكيك بالدمعة وبالصوت نرثيك
بأقلامنا نرثيك عبر الجريده
ليت المنايا وقفت قبل تاتيك
فيها الأجل محتوم لو هي بعيده
الله يعفي عنكم ذنوب ماضيك
يوم الحساب وشر نار شديده
الموت سنة والعرب في مماشيك
الله كريم ولا يخيب عبيده
الله يوسع نزل قبرك ويرضيك
بالحور والجنات واللي تريده
شلناك يا غالي لقبرك نوديك
الكل منا عبرته ما تفيده
رحنا وودعناك والرمل غاطيك
عفنا حياة عاقبتها زهيده
فارقت خلانك وفارقت غاليك
وسكنت قبر فيه نفس وحيده
دنيا حلاها مر ما فيه تشكيك
محفوفة بالغدر لو هي سعيده
الله وأنا أسأله من الناس ينجيك
يوم الخلايق تجتمع في صعيده
نكف دمعٍ بالمحاجر يناديك
في موقف يذهل عقول رشيده
رحلت كل راضين لك ويغليك
الخلق طيب والروابع سديده
ياما انفقت في نية الخير أياديك
الدين وافي والمساعي حميده
تركت بصماتٍ من الخير تحييك
لو كنت ميت خالدات فريده
يابو الضعوف وكل محتاج يبكيك
مداتكم في كل خير عديده
نلقى العوض بأحمد يجدد مباديك
يقوم بالطالات واسمك يعيده