إلى الوالد المرحوم بإذن الله «الشيخ عبدالله إبراهيم عبدالله دخيل الله الكلثم»

مرحوم يا بو الطيب ربك يجازيك..
وتسكن جنان الخلد بيتك ومثواك..
لا ما على ربك يا ابونا نزكيك..
وربك عليم بطاعتك وبمزاياك..
يا ابوي عبدالله لو اليوم نرثيك..
نرثي الوفا والجود من فعل يمناك..
أنت الكريم الصادق بخير تطريك..
وتحلف هل الدمام في خير مسعاك..
ربيت منك اعيال من بين اياديك..
بالطيب مذكورين وساعين لرضاك..
ومفتوح بابك بالكرم لاجل اهاليك..
وتقضي لزوم اللي يجيلك وينصاك..
ذكر الله بلسانك على البر يدنيك..
ماتمشي الا وعزة الحق ممشاك..
يا ابوي عبدالله خذينا العزا فيك..
والله جبر بقلوبنا بعد فرقاك..
ولا ما بكينا الموت يوم إننا نبكيك..
نبكي يا أبو إبراهيم طيبة سجاياك..
ماشيين في دربك معانا مباديك..
نبقى عيال الكلثم بشوف عيناك..