مرثية الشاعر حامد الجذع في بن جربوع رحمه الله

قصيدة رثاء في فقيد الجميع الشيخ / سعيد بن علي بن جربوع ال كناد والذي وافاه الاجل المحتوم أثر حادث سير مساء الاثنين 13/5/1434 تغمده الله بواسع رحمته واسكنه فسيح جناته.
مرثية الشاعر حامد الجذع في بن جربوع رحمه الله
يالله المشتكى عليك في كل حال=انت قيوم هذا الكون والمعتلي
بيدك الموت والحياه ولك المئال=احد تقبضه وحد له بعد تمهلي
ماجزعنا بعد ماتوا خيار الرجال= ولاشكينا سوًالك وانته المبتلي
افتقدنا خيارسيوفنا والسلال=ووالله ان يبطي الخاطر وهوماسلي
نسألك تجبر المصاب ياذو الجلال= وترحم اللي قدم لك خايف ومملي
واحسن الله عزانا واسرته والعيال=والقبيله بشيخ دايم مجملي
موت بوعايض سعيدً عديم الخصال=والله انه فجعنا فجعة تذهلي
كم بكينا وكم دمع من العين سال=ومن عرف لبو عايض حزنه مطولي
مات شيخ المراجل والفعول الجزال=مات عز الرفيق المطلق المشكلي
مات من يقضي اللازم بحال ومال=في المواجيب بو عايض مع الاولي
ياوجودي على المطلق عريب الخوال=وجد من داهموه القوم ويده خلي
أووجود الغريب اللي سنينه طوال=عقب ماعاد ماحصل ربوع وهلي
ابن جربوع لي عدو كرام السبال= قدم اسمه على غيره وجاء الافضلي
صادق في الفعول وصادق في المقال=مقصد للنشاما مارد ومنهلي
واصل للقريب وفي التواضع مثال=ومسجده شاهد له رايح ومقبلي
وبيته مشرع وفيه الشحم والدلال=ومجلسه بالنشاما دايم ممتلي
تاجر في المراجل مايحسب الريال=ومامعه يشتري به عود ولا طلي
من لفى من جنوب ومن لفى من شمال=بيت بو عايض معروف مايجهلي
يوم بعض البيوت مقفل بالقفال=قد بنا العنكبوت بمجلسه ودهلي
جعل ينغق غراب البين في كل جال= وصاحبه يقبضه عزران مايمهلي
مات وارث حرار وسمعة ماتطال=وسيرة عطرة تضرب على الامثلي
الله يعوضه بدنياه حسن المئال=ويجعل بجنة الفردوس له منزلي
ويحسن ختامنا ليبركن الجمال=وانقطع كل وصل الا منه ياصلي
الشاعر :حامد بن غانم الجذع