إهداء: إلى كل من غردت خارج سربها

شاعرات الأمسيات الفضائية

شاعره وانتي على راسي وعيني
بس عندي لك سؤال وجاوبيني
واعذريني لابكى قلبي اعذريني
دمعتي ماشاورتني صدقيني
باي دين وباي شرع وباي مله
بالشعر بين الرجال تغرديني؟؟
تفتنين اللي حضر واللي تسمّع
بالقصيد وصوتك العذب الحزيني
اشغلتهم نظرة العين وهدبها
وحسرتهم قذلةٍ فوق الجبيني
ما تذكرتي شهودٍ يسمعونك
كل وقتك من شمال ومن يميني
أمسياتك والقصايد سجلوها
كلما كنتي بقولك تخضعيني
كل حرفٍ كل بيتٍ كل نظره
هم عليها عند ربي شاهديني
سطروها في كتابٍ وحفظوها
لين يوم الحشر عنها تسأليني
اعذروني لاقسى قلبي عليها
عند قول الحق قلبي مايليني
تبدي الزينه وربي قد نهاها
من يرد امر لرب العالميني
وين من ربي بالإسلام اصطفاها
زادها مع زينها عقلٍ وديني
وين راح حجابها وينه غطاها
وين ستر البنت عند المتقيني
وين من تغلب عزيمتها هواها
وين من تبكي لهّم المسلميني
كيف ما تطلب رضا ربٍ عطاها
يسلب النعمه من اللي جاحديني
كيف ما تحمل رساله منتهاها
جنة الفردوس والنور المبيني
الأمانة هزّت جبالٍ رواسي
كيف في حمل الأمانه تستهيني
والختام أطلب من الرحمن ربي
يغفر ذنوبي وكل السامعيني